手卷駅

Open Now

Now Closed

今日同2個朋友去左呢間手卷駅食午餐，第一次食。舖頭唔大，枱亦唔多，但好彩我地就唔駛等位即入。雖然呢間舖頭主打「手卷」但今次就無食，反而食左佢地的A+B+C的套餐。佢地係張過膠咭紙上點餐，好似幾環保咁，不過之後又覺得佢地某啲做法唔係咁環保。我叫左呢個，有壽司、冷面同埋芝麻八爪魚。 壽司味道一般，係普通爭鮮質素，元氣較為好食。芝麻八爪魚係好食的，但可惜個醬好好好結，結到好似「鼻涕」一樣。冷面就加左好多沙律醬，如果只計個面係好食的，但個醬太多了，又係好結，我情願無醬，或者改返做冷面豉油加Wasabi。加多$3可以要盒紙包飲品。我朋友的A+B+C的套餐，也是有壽司，佢話螺肉同芝麻八爪魚一樣係個醬好「結」，蟹籽沙律就正正常常。而我另一朋友就話玉子好好食，咁可能就要下次先試下。我地另外要左個紫薯餅，$23/2件，呢個好抵食，因為真係好熱，係即炸，而且裡面仲有原粒粟子，我另外2個朋友都大讚。最後覺得呢個舖頭唔算係好環保，因為我地食的餐都係用即棄餐具。另外，呢間舖頭如果比較埋個環境和食物質素，其實唔算真係好抵食，CP值有待提高。不過發現好多中學生來食，可能附近唔算多呢個價位的日本食物掛。