囍越 (V Walk)

Open Now

Now Closed

以越南嘢嚟講，呢度唔算特別標青。一般嚟講都算係合格，呢度嘅食物都算係新鮮，食得出廚房係認真做嘢，只係調味有少少重手，不過我試過佢嘅海南雞飯就真係食到牙都軟，雞肉煮到比較老，食到人唔係咁開胃。但係整體食物質素都算係可以一試，始終越南嘢酸酸甜甜，感覺比較討好。而且呢度可以話係冇其他越南野嘅選擇，所以我都算係經常嚟食。但係我真係好想講吓，佢哋嘅服務態度，本來喺呢個商場食都算係少少高級，消費係比較一般平民大眾食肆較高，所以服務都算係比較認真，但係我就試過一次，見到佢裏面都幾滿人，一個人嚟食嘅時候店員帶我入去，跟住有個領班咁嘅人就好惡咁大聲叫我喺出邊等吓先，我諗佢當時做緊嘢好忟，亦都盲咗見唔到係個職員帶我入嚟，但我覺得作為一個客人，你點都唔會有理由呼喝我，叫我出去等，起碼你都問吓我先啦，嗰次之後我停咗幾個月都冇再去食，係因為我真係好嬲。