Video
Read full review
2021-04-19
1029 views
位於東薈城既呢間日式火鍋店記得係近呢幾年先至開既，以往東涌打邊爐既選擇比較少，都係近呢一兩年先開多左新既火鍋店，而呢間就係其中一間啦～當日大概7點去到，都要大約等到7點45分先有位，畢竟呢啲火鍋店係一轉轉時間既，都知道要等得比較耐，所以都唔係太大問題，而今次就揀左最平$188加一既套餐，包左牛肩肉，雞同豬既放題任叫，湯底就揀左地獄辛辣湯同蕃茄湯，呢度如果係要兩種湯底的話係要加$10的😂一入到去就梗係去自助區睇睇先啦，入面既食物品種都算齊全，基本既丸，菜，金菇等等都有，特別啲嘅係佢既烏冬係由日本直送過嚟，信唔信就見人見智啦，不過佢既烏冬都幾煙韌，唔錯幾好食👍🏻而佢熟食區既野食都算好多，當中比較特別既係有葡撻同雞串燒，賣相同味道都唔差，呢樣係值得一讚既，因為通常呢款火鍋店既熟食一定係麻麻地，呢間反而有驚喜👍🏻特別要一提既係佢係有得嗌壽司食既，款式唔多，初頭心諗打邊爐都有壽司食咁筍？即刻叫左幾件，講真佢一拎出嚟果時已經知中伏，件件壽司個樣又乾又柴，食落第一啖相當難食，舊飯係痴埋一舊又凍到痴線，簡單可以用難食形容，所以黎呢度食飯千祈唔好叫壽司食😵😵😵😵😵😵到主菜牛肩肉啦，一睇個賣相唔錯，牛肉解
當日大概7點去到，都要大約等到7點45分先有位，畢竟呢啲火鍋店係一轉轉時間既，都知道要等得比較耐，所以都唔係太大問題，而今次就揀左最平$188加一既套餐，包左牛肩肉，雞同豬既放題任叫，湯底就揀左地獄辛辣湯同蕃茄湯，呢度如果係要兩種湯底的話係要加$10的😂
一入到去就梗係去自助區睇睇先啦，入面既食物品種都算齊全，基本既丸，菜，金菇等等都有，特別啲嘅係佢既烏冬係由日本直送過嚟，信唔信就見人見智啦，不過佢既烏冬都幾煙韌，唔錯幾好食👍🏻而佢熟食區既野食都算好多，當中比較特別既係有葡撻同雞串燒，賣相同味道都唔差，呢樣係值得一讚既，因為通常呢款火鍋店既熟食一定係麻麻地，呢間反而有驚喜👍🏻
特別要一提既係佢係有得嗌壽司食既，款式唔多，初頭心諗打邊爐都有壽司食咁筍？即刻叫左幾件，講真佢一拎出嚟果時已經知中伏，件件壽司個樣又乾又柴，食落第一啖相當難食，舊飯係痴埋一舊又凍到痴線，簡單可以用難食形容，所以黎呢度食飯千祈唔好叫壽司食😵😵😵😵😵😵
到主菜牛肩肉啦，一睇個賣相唔錯，牛肉解雪做得幾好，唔會硬到夾唔起，而牛肉既色水亦都鮮明，雖然有啲會比較肥，但以最平果個套餐嚟講個牛肉質素算幾好👍🏻👍🏻食落都有少少牛味，亦無乜筋，雖然一定唔係靚牛，但都係食得落肚果種，性價比算幾好👍🏻至於雞同豬就正常野，所以都係食左佢一開頭比果碟就無再encore了😋
最後如果你有like & share佢社交平台 個page既話仲有一杯movenpick雪糕送，我就揀左朱古力味，雖然佢出面都有乳酪雪糕同抹茶雪糕任你食，但始終movenpick既雪糕都係信心保證😋😋😋
總結呢餐人均大概食左$200左右，以東涌無乜邊爐既選擇底下，呢間既性價比算唔錯，價錢亦都合理，熟食區有啲驚喜，係唯一壽司係大伏之外，其他都正常野，係可以再黎食既一間火鍋店👍🏻
Post
