Video
Read full review
2022-11-30
692 views
都係見到網上食評唔錯，又咁啱喺附近搵食，所以就特登行過嚟試吓自己QR Code點有$2折扣，早餐唔食包誠惠$37三款早餐選項都可以自由組合，有得揀腸蛋+包/麵+腸蛋/咩都要其實餐廳呢個做法唔錯，係落單麻煩啲，但食嘢黎講，女仔/細食啲嘅男士都會好啱坐低點好餐之後侍應先上滾水，唔知係咪等我叫好先比水我，費事我咩餐具都洗一通，又唔使等我洗餐具嘅時候杯水就凍咗😂（我諗多咗我知😂）本身想食辣雞柳，但見個個都推牛肉，就叫咗沙嗲牛公仔麵牛肉有少少過龍，無梳打味，但係一夾就散，唔知係咪乸過龍牛味無乜，沙嗲味正常，一般茶餐廳貨式公仔麵要正常腍度，時間掌握得幾好，可能我又近出餐位，一上即食，都彈牙無論奶茶定個麵，都係出緊煙咁上枱，呢一點真係一百分💯（今日比地鐵個冷氣吹親🙃明明天熱嘅時候永遠無冷氣）蛋揀咗太陽蛋，本身想試芫茜炒蛋，但見食評有人話一般般，所以揀返保險啲嘅嘢食炒蛋好似大份少少，因為煎蛋得一隻，男士可能唔夠飽😂BTW, 佢個煎蛋有得揀熟啲，都幾體貼（因為我老爺一定會叫😂）個薯餅就有啲太多油，食完見到成隻碟都係油煎蛋反而無超多油奶茶就差啲，首先選擇無得揀茶走，唯有揀少奶，再問侍應拎煉奶🥲其次佢隻茶葉
自己QR Code點有$2折扣，早餐唔食包誠惠$37
三款早餐選項都可以自由組合，有得揀腸蛋+包/麵+腸蛋/咩都要
其實餐廳呢個做法唔錯，係落單麻煩啲，但食嘢黎講，女仔/細食啲嘅男士都會好啱
坐低點好餐之後侍應先上滾水，唔知係咪等我叫好先比水我，費事我咩餐具都洗一通，又唔使等我洗餐具嘅時候杯水就凍咗😂（我諗多咗我知😂）
本身想食辣雞柳，但見個個都推牛肉，就叫咗沙嗲牛公仔麵
牛肉有少少過龍，無梳打味，但係一夾就散，唔知係咪乸過龍
牛味無乜，沙嗲味正常，一般茶餐廳貨式
公仔麵要正常腍度，時間掌握得幾好，可能我又近出餐位，一上即食，都彈牙
無論奶茶定個麵，都係出緊煙咁上枱，呢一點真係一百分💯（今日比地鐵個冷氣吹親🙃明明天熱嘅時候永遠無冷氣）
蛋揀咗太陽蛋，本身想試芫茜炒蛋，但見食評有人話一般般，所以揀返保險啲嘅嘢
食炒蛋好似大份少少，因為煎蛋得一隻，男士可能唔夠飽😂
BTW, 佢個煎蛋有得揀熟啲，都幾體貼（因為我老爺一定會叫😂）
個薯餅就有啲太多油，食完見到成隻碟都係油
煎蛋反而無超多油
奶茶就差啲，首先選擇無得揀茶走，唯有揀少奶，再問侍應拎煉奶🥲
其次佢隻茶葉有陣味，唔係一般茶餐廳奶茶，嗯⋯唔係我鍾意嘅味道囉😅
侍應們做嘢爽手，都幾有禮貌，阿伯問嘢又詳細解釋，見佢哋工作氣氛唔錯👍🏻
總結係杯奶茶、牛肉同個薯餅輸咗少少，但個熱辣辣嘅麵同茶都好好，咁嘅價錢，真係抵讚👍🏻
Post
