阿糊米線 (Closed)

今日出左去同成班同事去食lunch，有人話想食米線，就走左去呢間食。等左幾分鐘就入得，入到去坐底都係例牌動作，就係睇下有咩食。我自己就叫左一個阿糊金湯餃子雞肉米線再加罐可樂。等左一陣就有得食，都算幾快。一食落去，味道都唔錯，米線唔會煮得太淋，因為太淋既米線對於自己個人黎講就唔太岩心水。餃子味道都OK，幾大隻，同埋餃子皮唔算厚，唔會話靜係得餃子皮食。雞肉都煮得岩岩好，唔會太過老。其他既材料都OK。整體黎講就唔算有太大既驚喜，算係正常既米線。有機會都可以再黎試下其他野食。