Video
Read full review
2024-02-10
2272 views
今日嚟食日本野之前食過嘅同事介紹食特選壽司定食留意到每一個人枱面都有熱毛巾都幾細心 可以畀客人抹一抹手先上前菜，份量少，當係有野食下冇乜特別之後就上茶碗蒸，啱啱出爐，好夠熱，店舖都好細心，有個小木盤裝住，不過真係等咗好耐。之後上壽司，侍應都會提醒，由左邊開始食，碟上面會有蒜頭、榨菜、姜做開胃，食到啲魚生係好新鮮，不過個壽司size真係一口食晒，男士食真係會唔夠飽。食完壽司之後可以揀烏冬同湯，毫無疑問每個人都揀烏冬，因為壽司真係唔夠食，食過嘅同事都話細舊咗。佢個烏冬都係三四啖食晒嘅量，不過好在仲有雪糕幫佢加返分，因為最後仲有得揀要咖啡或者雪糕，雪糕有好多味可以揀，開心果、柚子、芝麻，仲有其他。最後揀咗開心果，佢上枱嘅時候，見到顏色好淺，淺到好似薄荷味咁，就以為佢會一般，不過最後發現個雪糕都幾好食。不過總結嚟講，魚生係新鮮嘅，但係CP值唔高，可以拍拖嘅時候食吓嘅，始終環境服務都不錯(會不斷幫你加熱茶、提醒食法)，但如果胃口比較大或者男士就可能要預計食唔飽
之前食過嘅同事介紹食特選壽司定食
留意到每一個人枱面都有熱毛巾
都幾細心 可以畀客人抹一抹手
先上前菜，份量少，當係有野食下冇乜特別
之後就上茶碗蒸，啱啱出爐，好夠熱，店舖都好細心，有個小木盤裝住，不過真係等咗好耐。
之後上壽司，侍應都會提醒，由左邊開始食，碟上面會有蒜頭、榨菜、姜做開胃，食到啲魚生係好新鮮，不過個壽司size真係一口食晒，男士食真係會唔夠飽。
食完壽司之後可以揀烏冬同湯，毫無疑問每個人都揀烏冬，因為壽司真係唔夠食，食過嘅同事都話細舊咗。
佢個烏冬都係三四啖食晒嘅量，不過好在仲有雪糕幫佢加返分，因為最後仲有得揀要咖啡或者雪糕，雪糕有好多味可以揀，開心果、柚子、芝麻，仲有其他。最後揀咗開心果，佢上枱嘅時候，見到顏色好淺，淺到好似薄荷味咁，就以為佢會一般，不過最後發現個雪糕都幾好食。
不過總結嚟講，魚生係新鮮嘅，但係CP值唔高，可以拍拖嘅時候食吓嘅，始終環境服務都不錯(會不斷幫你加熱茶、提醒食法)，但如果胃口比較大或者男士就可能要預計食唔飽
特選壽司定食(8款+卷物)
$280
31 views
0 likes
0 comments
Post
