Zong Zap Thai Food

Open Now

Now Closed

呢間舖前身係幾好食同有鑊氣，之前close左見個舖開返以為同一間，因為舖頭頂個名冇轉到。但行到埋去細看餐牌係唔同左，原來係轉左名同唔同人。既然嚟到都叫個炒河粉試下佢咩料。買左個午市乾炒雞肉河$65。呢個價錢係灣仔嚟講絕對係中上價錢，仲要如果堂食係坐霸佔後行嘅室外摺台櫈。講返盒野既味道係十分正正常常，只係冇鑊氣同冇應有既炒河粉香味，當然更冇蛋同肉炒香嘅味。不過唔太緊要，最敗北係d芥蘭同甘荀明顯係用水卓過至放落去炒，大家應該知咁係會好淋同發揮唔到加蔬菜去炒野個效用。泰式小店應該注重鑊氣同質素，為慳水慳力卓過d蔬菜至炒係完全唔合格，今時今日嘅兩餸飯質素比佢處理更認真。