Anchor’s Seafood and Beer House (Closed)

因為生日加週年紀念，所以一星期多前訂位，去到好快就已經安排入坐，我同老公安排左坐落地玻璃既二人坐位，餐廳有度門可以隨時出去露天，正正望住大海同清馬大橋，好靚好舒服，我同老第一時間行出去影相留念，之後就緊係拎野食啦！生蠔係唔可以錯過既食物，有兩款，味道好新鮮，唔使排隊，我地食左二十隻到，之後食熱食，我叫左碗豬骨湯叉燒烏東，好好味，其他熱食推介係佢既黑松露薯蓉，好正，刺身有幾款，我叫左三文魚同八爪魚，你叫師傅佢會即刻切比你，都ok,另外重有我超愛既芝士，芝士有幾款，好好味，無論就咁食定夾餅乾都好正，再食埋甜品區，佢個泡芙又係好正，入面係雪糕黎架，重有心太軟同即制班cake都好好味，呢間餐廳無論價格同食物都係滿意，一定要讚既係員工真係好有禮貌，好細心，講真，餐廳冷氣真係好勁，但佢地知道我凍，竟然拎左一條披肩比我，唔係我就凍足成晚啦！因為今日我正日生日，餐廳特別為我準備左生日蛋糕，由於我生日同結婚週年係同一日，我地同餐廳員工講，可以在碟上寫埋十週年紀念嗎？他們不但沒有拒絕我們，重好有心思在碟上劃上心心，我見到既時候真係好開心，再次感激餐廳既員工，我一定會再黎食架，最後提提大家，生日蛋糕只要早一