川婆婆 (寶勒巷) (Closed)

今日又同fd 子食飯，去左人氣店尖沙咀寶勒巷間「川婆婆」。坐低就點左B餐: 鴛鴦雙拼火鍋(茶底麻辣鍋/養生菌王雞湯)送時令海鮮+送雞煲 雞煲食完仲可以燒烤😆👍👍好多時啲舖頭都係食完雞煲先開始打邊爐。但我個人十分欣賞呢間舖既雞煲和火鍋分開上，可以一邊食雞煲，一邊打邊爐👍🏻雞煲味道濃郁。辣度雖然只係小辣，但已經好惹味😋火鍋既牛小排&牛頸脊都好嫩滑，而且牛味十足☺️我鍾意放入麻辣鍋入面，輕輕灼一灼，唔使太熟，亦完全唔需要點醬料，好味👍😋海鮮拼盤有蝦，鮑魚&貝類。全部都好新鮮，肉質爽口彈牙，味道鮮美❤️自助配菜有牛柏葉，金菇肥牛卷，炸芋頭，各類蔬菜&仲有其他種類。飲品方面難得地有OOHA和樽裝嘅飲品。咁耐無飲玻璃樽，所以拎多左幾樽飲🥤因為食得太多，超級無敵勁飽😆大滿足😆