新寶馬茶餐廳小廚

Open Now

Now Closed

去到坪洲冇咩好食，唯有喺Instagram嗰度睇吓有啲乜特別啦。咁岩見到菠蘿包夾雪糕，就比次機會佢。分唔到呢間舖頭黃藍，但係感覺上似偏藍😂。豬扒炒麵 唔記得幾錢食得茶餐廳我都預咗個炒麵比較油㗎啦，食落去發現都可以接受嘅😙。最緊要係個麵炒得好乾身，如果無咁鹹就更加好啦😍。豬扒好正，皮脆肉香，大件夾抵食！咖也西多士 $28同平時出面食開既花生醬西多士有好大分別，個咖也醬吸引左我嗌佢☺️。好食，但如果多啲咖也就更好。價錢都好抵，好值得嗌，最緊要唔係成日食到😚。菠蘿包夾雪糕 $32因為唔想食太飽，所以冇嗌多份炒粉麵，食咗呢間舖頭最出名嘅雪糕菠蘿包😚。本身仲以為可以揀雪糕味道，點知三色雪糕一定要包含雲呢拿、芒果、芋頭。拎起成個咬，非常之正😌。