紫蝶花 (Closed)

紫久唔久我就想食新加坡菜，因為想飲肉骨茶。今日同朋友出開將軍澳，搵到呢一間新加坡餐廳，二話不說衝入去試吓。當然首先我就叫個肉骨茶啦，淡淡的藥材香味配上新鮮嘅排骨，唔單止好味仲對身體好有益。跟住我叫咗個椒鹽軟殼蟹，炸到勁鬆脆，但又能夠鎖住啲蟹肉汁，非常惹味！朋友想食咖喱，想有少少辣，店員就即時介紹咗青咖喱俾我哋，我哋揀咗豬肉。啲青咖喱汁唔算好辣，好啱香港人口味，啲豬頸肉份量亦都好足，真係勁滿足！由於我哋唔想食飯，就叫左個特色手爪餅，用嚟點青咖喱汁食，真係一流。之後我哋叫咗個巴東牛肉𦟌，個汁又係勁好味，用手爪餅點嚟食又係一絕！最後叫個蒜蓉炒翡翠苗，提升一下身體攝取嘅纖維，個菜清淡得嚟、味道亦相當出色！總括來講，呢餐我會俾佢100分。