花見日本料理 (Moved) New Location

今日真係好開心呀! 因為可以同愛人一齊去食正正正嘅高級日本料理。雖然只係食lunch，但係我已經滿心期待。位於銅鑼灣時代廣場附近嘅花見日本料理，內部嘅裝修都係以日式嘅風格為主。初入去有種置身日本嘅嘅感覺。呢度嘅餐牌琳瑯滿目，有各式各樣嘅日本食品，有我地最愛食嘅壽司，亦有好多唔同嘅日本料理。真係食個lunch都有排揀呀！再睇一睇。嘩!估唔到呢度連各式各樣嘅日本名貴saka大吟釀都有,真係啱曬啲公司客戶黎傾生意喎。雖然我哋都冇飲酒，但係都畀佢呢本餐牌吸引住。一入到去侍應姐姐就叫我哋點壽司先，因為壽司做製作需時。佢推介今日精選嘅魚生比我哋，咁我哋當然依佢嘅提議點嗰幾款。 點完餐之後就好快咁幫我哋遞上咗茶蒸碗，前菜沙律 同埋麵豉湯。蒸蛋蒸得好滑，好好味呀! 而沙律菜好新鮮，醬汁亦係我最鍾意嘅和風麻醬。麵豉湯呢，冇出面嗰啲麵豉湯咁濃味亦 冇咁咸，幾好。 我哋一開始就食咗幾款壽司先，分別有池魚，海膽，拖羅，甜蝦，燒帶子同埋橫筋笛鯛。 食落口真係新鮮非常。首先講一講個橫筋笛鯛，我都係第一次食呢種魚生。鯛魚口感淡啲，但係好鮮味，一啲都唔腥。池魚就較濃味，鮮甜。海膽真係好好好好新鮮，鮮甜味洋溢而且口感係