功德林上海素食 (世貿中心) (Closed)

我就唔太食素食既 因為始終冇用肉去調味再者 素食要煮得好食 會落好多調味料難得星期日父母都放假 同埋婆婆食晏佢地話想食素😑😑😑Ok 上網search 一search 就見到功德林上海素食 尖沙咀同銅鑼灣都有不過北京道一號冇免費泊車 世貿有所以我地去左銅鑼灣個間 當日唔算多人 兩三台咁 人小小 傾偈都唔錯試左好幾樣點心 逐樣講下啦蟲草花燉湯 個湯好甜 雖然冇落肉但因為落左好多料 好甜 又唔油👍🏼食素必叫松子魚 即叫即炸 香口得黎個芋頭唔會太硬 火腿絲菜飯 用珍珠米煮既菜飯好香 d菜煮得岩岩好 不得不提呢個素餃 皮薄到見到裡面之餘入面好足料 調味亦一流 好惹味蘿蔔絲酥餅 即叫即做 好鬆化又唔會太油蘿蔔絲粗幼度適中 呢個係露筍餃 係呢排限定菜式皮夠薄就一定啦 入面依舊調得好好味😬個拼盤好正 樣樣都好好味中間既脆鱔 原來係用冬菇做架食落好脆好香 唔問都唔知用冬菇🙈上海窩夫唔使講 同正宗上海舖一樣咁好味👍🏼 總括黎講 有景睇 有好野食 雖然食素 但好滿足😬😬