Video
Read full review
2017-11-24
463 views
肉餅哥於荃灣新開張之時，貪新鮮嘅我已一早走去試左。依家知道佢喺大圍開分店，就算幾遠都想去試吓。搭地鐵去到大圍站，一出站口，沿左手方向向前行，過馬路直去，好快就行到去美林邨，過左美林商場，就見到美食亭，黑底白字嘅「肉餅哥」就出現我眼前，美食亭外原來有個巴士總站，有地鉄、巴士，交通真係好方便！之前試過「足三兩花膠肉餅」，花膠份量十足，唔腥，炆得恰到好處，有咬感，所以今次極力推介給我朋友試，到時可以黐反一件落肚😜我自己就叫左「鮮味蟹粉肉餅」，店員好細心問我們想配什麼飯。我同朋友都選了菜飯。店員又問肉餅要煎定蒸，我選了煎，朋友選了蒸，以前唔知原來有得揀🙈。見微知著，成功的食肆就是在細微位用心。足三兩花膠肉餅真係「肉」如其名——「足三兩」呀！d花膠大大塊，大到遮住曬底層d肉餅。每塊花膠有成隻男人手掌咁大呀！花膠好彈牙呀！揀左蒸肉餅，呢度d肉餅好厚，朋友擔心肉餅太厚驚佢蒸得唔熟。我叫他放心，結果出來係蒸得恰到好處，教人食得放心。厚身嘅肉餅食入口真係啖啖肉，夠腍又有肉汁，大滿足！「鮮味蟹粉肉餅」揀左煎肉餅。肉餅側邊配大大嚿嘅白色椰菜花，成粒長洲大魚蛋咁大，賣相好吸引。蟹粉肉餅入口粉粉地，有d蝦膏嘅香
搭地鐵去到大圍站，一出站口，沿左手方向向前行，過馬路直去，好快就行到去美林邨，過左美林商場，就見到美食亭，黑底白字嘅「肉餅哥」就出現我眼前，美食亭外原來有個巴士總站，有地鉄、巴士，交通真係好方便！
之前試過「足三兩花膠肉餅」，花膠份量十足，唔腥，炆得恰到好處，有咬感，所以今次極力推介給我朋友試，到時可以黐反一件落肚😜
我自己就叫左「鮮味蟹粉肉餅」，店員好細心問我們想配什麼飯。我同朋友都選了菜飯。店員又問肉餅要煎定蒸，我選了煎，朋友選了蒸，以前唔知原來有得揀🙈。見微知著，成功的食肆就是在細微位用心。
足三兩花膠肉餅真係「肉」如其名——「足三兩」呀！d花膠大大塊，大到遮住曬底層d肉餅。每塊花膠有成隻男人手掌咁大呀！花膠好彈牙呀！揀左蒸肉餅，呢度d肉餅好厚，朋友擔心肉餅太厚驚佢蒸得唔熟。我叫他放心，結果出來係蒸得恰到好處，教人食得放心。厚身嘅肉餅食入口真係啖啖肉，夠腍又有肉汁，大滿足！
「鮮味蟹粉肉餅」揀左煎肉餅。肉餅側邊配大大嚿嘅白色椰菜花，成粒長洲大魚蛋咁大，賣相好吸引。蟹粉肉餅入口粉粉地，有d蝦膏嘅香味同鹹味，好香口，但稍嫌油膩點。
「秘製羊腩煲」配菜有冬菇、筍、枝竹、馬蹄、芹菜同蔥。枝竹腍，吸曬d羊腩汁嘅精華，好入味。馬蹄爽口又甜；因為有辣椒，羊腩食落有d辣味，但唔係辣到食唔落果隻，只係好少好少嘅辣，剛好增添了不少風味。羊腩肉燜到好腍，其實我唔太好羊，因為好怕d羶味。但呢煲羊腩唔羶，連我都忍唔住食多幾嚿！11月天氣漸漸變冷，原本肌腸轆轆嘅我食完羊腩頓時渾身變暖。
Post
