喜鍋 海鮮‧火鍋‧小廚 (Closed)

本身都係為左佢既牛魔皇塔而來，但同朋友兩個人見份量太多，如果淨食佢又叫唔到其他野食，所以最後都冇叫到個塔。不過當然都有食牛啦！招牌花膠鯊魚骨膠原湯鍋… 話明係招牌野就一定唔講得笑！除左花膠同鯊魚骨既份量足之外，仲有豬手、雞腳等等既材料！所以味道好濃郁，記得打邊爐之前要飲下個湯先呀😋 哩個湯底仲送甘香泡飯，其實係炸脆米，就咁食可能冇乜特別，不過！！店員教我地將脆米先放入自己個碗，之後再淋上湯底，浸佢一陣先食，果然好味道😝我就鐘意浸佢三四分鐘先食，再加埋食極都仲有既花膠同鯊魚骨，咁就可以食到佢半脆半軟既又有collagen既泡飯喇！頂級安格斯牛頸脊…一片片切出黎之後鋪得好靚，牛既脂肪紋路好均勻，牛肉放入鍋廿秒就食得！係可以容易咬開既肉質，又有肉本身既嚼勁，牛味都算濃郁，鐘意牛肉既朋友一定要試！😋牛脷托…我係牛舌既粉絲，當然要叫哩個啦！又係放入鍋廿秒就食得，質感爽中帶嫩，中點係冇雪味有牛味，真係忍唔住一啖接一啖嫁！秘製芝士墨魚丸…每粒都有半個拳頭咁大！未食已經見到好多既墨魚粒，食落好好咬，係好鮮既墨魚味，入面中有芝士！我諗係笑牛牌既方粒芝士，童年有邊個未食過丫👅👅 好夾好好味！