鳳鳴石磨腸粉 (觀塘廣場) (Closed)

今日去開觀塘做facial，朋友傾談之間提及石磨腸粉，佢就介紹左呢間鳳鳴石磨腸粉。到步後原來係一間小店，裝修較新潮，店員都係年輕人。雖然係小店但係佢有好多選擇揀，有埋素食腸粉添。而我就叫左石磨雞蛋豬肉腸粉同埋石磨蔥花蝦米腸，入口滑嘟嘟，果然冇失望，比預期中好食而佢哋個辣醬真係不得了，食得辣嘅朋友仔必加。食完兩盒，再買左三盒俾屋企人食，不過由於路程遙遠，返到屋企口感完全唔同，強烈建議大家即食。IG shiba_easycook