正牌沙田雞粥 (Closed)

老字號沙田雞粥，主打招牌雞粥和乳鴿，於沙田結業後，最近改名叫正牌沙田雞粥喺港島區西環重開，鄰近港鐵站交通好方便，今晚我同老公過去回味一下。餐廳裝潢簡潔，主打嘅雞粥和紅燒乳鴿係我必食的。紅燒乳鴿：乳鴿大隻厚肉，燒得色澤金黃，皮脆肉嫩多汁。馳名沙田雞粥：熱辣辣嘅粥底口感綿密有米香。雞件肉質嫩滑，而且好有雞味。鴛鴦炒飯：炒飯用茄汁、白汁組合成太極的圖案，一邊係配以洋蔥絲、番茄及雞絲製成，味道酸甜好開胃，另一邊用蝦仁、菜粒配以白汁製成，爽口甜美，飯底用蛋炒得粒粒分明，香口唔油膩。星洲炒米：炒得夠鑊氣，用料有叉燒、蝦仁、芽菜、雞蛋、洋蔥和辣椒絲，加入咖哩粉令炒米粉變成金黃色，並充滿香辣的味道。凍檸樂：奉送冰底，特別冰涼清爽。