一條腸粉 (Closed)

收工好肚餓，係旺角呢個不夜城，半夜三更都好多野食！本身想篤魚蛋，但見到呢間「一條腸粉」開到凌晨五點就坐低左試一試，佢主打即叫即蒸既腸粉，可以自選配料，仲有即叫即蒸既點心！我同朋友一人叫左一個腸粉，再叫蝦餃燒賣同巨型手打魚蛋同炸饅頭配煉奶！唔洗等好耐，腸粉已上檯！我叫左生菜、叉燒、菜脯粒、冬菇同雞蛋！腸粉熱辣辣仲好滑！啲配料好夾！「炸饅頭」炸得都幾好食夾煉奶一流！「巨型炸魚蛋」好好食，好有口感，係潮式既魚蛋！之後到啲點心，店員告知蝦餃賣哂，咁就食改左做菜苗餃！因為即叫即蒸，等左十分鐘左右！上檯熱辣辣都不比茶樓遜色！下次收工又係旺角都會再黎食！