Video
Read full review
2018-07-27
1814 views
做到咁平係因為呢度交通唔係好方便, 正記東涌地鐵有專車接送到食店, 車程約十分鐘, 我督通常入開東涌玩先會去食。大排檔美食水煮牛肉 ($90)夠晒惹味, 仲好夠辣, 牛肉分量多, 食極都仲有, 而且仲係有牛的口感及味道, 唔係嗰啲乸到滑一滑冇曬牛味......唔知自己食緊乜肉個種, 配料還有木耳及豆芽菜, 好食海蜇燻蹄夏天其實唔應該叫呢高危食物, 不過朋友好like 海蜇, 食冷盤始終都係驚驚, 幸好大家食完冇肚屙, 海蜇非常爽脆, 麻油調味汁調較得唔錯, 夠香但唔係好鹹。燻蹄瘦瘦哋又爽口, 仲好大碟添, 抵食。脆皮大腸 ($62)豬腸厚肉, 冇乜肥膏, 但唔乾, 咬落都幾油香, 拈些甜酸汁食唔太油膩。剁椒魚頭 ($110)又係惹味之選, 又香又辣, 魚頭滑浖浖, 混埋剁椒辣汁食, 正!四條友食五碟嘢, 叫埋啤酒汽水, 埋單每人$94, 食物夠鑊氣, 味道應清則清, 應濃則濃, 難得係冇乜味精, 食完唔口渴, 下次入嚟再食其他嘢......例如黃金系列
大排檔美食
水煮牛肉 ($90)
夠晒惹味, 仲好夠辣, 牛肉分量多, 食極都仲有, 而且仲係有牛的口感及味道, 唔係嗰啲乸到滑一滑冇曬牛味......唔知自己食緊乜肉個種, 配料還有木耳及豆芽菜, 好食
海蜇燻蹄
夏天其實唔應該叫呢高危食物, 不過朋友好like 海蜇, 食冷盤始終都係驚驚, 幸好大家食完冇肚屙, 海蜇非常爽脆, 麻油調味汁調較得唔錯, 夠香但唔係好鹹。
燻蹄瘦瘦哋又爽口, 仲好大碟添, 抵食。
脆皮大腸 ($62)
豬腸厚肉, 冇乜肥膏, 但唔乾, 咬落都幾油香, 拈些甜酸汁食唔太油膩。
剁椒魚頭 ($110)
又係惹味之選, 又香又辣, 魚頭滑浖浖, 混埋剁椒辣汁食, 正!
四條友食五碟嘢, 叫埋啤酒汽水, 埋單每人$94, 食物夠鑊氣, 味道應清則清, 應濃則濃, 難得係冇乜味精, 食完唔口渴, 下次入嚟再食其他嘢......例如黃金系列
Post
