尚鮮海鮮料理

Open Now

Now Closed

放工嚟佐敦同friend食飯，近排好想打邊爐，所以就嚟咗尚鮮海鮮料理。近近哋地鐵站，地點好方便。我哋叫咗幾碟餸，都幾新鮮。依家經OpenRice訂位仲有八五折添。首先店員會俾10格調味料我哋𢳂。入面有炸蒜生蒜蔥辣椒仔芫荽….湯底方面我哋叫咗鮮茄維菜湯。入面都好足料，味道就淡淡地好啱打邊爐，唔會搶咗其他餸陣味。最快上到嘅係蝦，都ok新鮮嘅，又大隻。肉我哋叫咗南非和牛脊柳。啲牛都好夠牛味，色澤都唔錯。之後仲叫咗鮮打四寶丸，勁彈牙!!! 好值得嗌。成餐最期待嘅係鮮炸脆響鈴。之前係其他打邊爐店如果有我哋都會嗌。因為係即炸所以需要等少少時間。落嘅時候真係好咋咋聲好正。最後我哋仲叫咗三色麵。成餐嘅最後一味餸都唔錯。