Video
Read full review
2020-07-22
138 views
疫情影響底下少咗好多出街食飯嘅機會🥺但係成日都掛住一啲好特別嘅嘢食所以突發奇想想叫下外賣但係屋企住得比較遠 但係居然比我發掘到一間媽咪又鍾意食嘅餐廳 😍而且送外賣嘅範圍連偏遠地區都包括埋(青衣 , 沙田, 馬鞍山etc)最重要仲要免運費!!首先要讚下佢哋😛因為連屋企人都話佢哋食物嘅包裝好用心 包得非常衛生 所以都好安心咁樣食外賣首先我哋呢個餐第一個係蒜蓉粉絲蒸波士頓龍蝦😁佢哋蒜蓉同粉絲嘅調味真係做得好出色!!粉絲吸晒蒜蓉嘅精華而且波士頓龍蝦非常新鮮整出嚟肉質鮮美又彈牙 勁正!!第二個我哋要做避風塘炒龍蝦😛因為喺香港食到正宗避風塘嘅菜式真係唔多機會今日即管一試果然冇嗌錯!避風塘香味撲鼻而來 而且鑊氣夠 加埋龍蝦嘅肉質啖啖肉 真係好夾 相信一家大細都會好鍾意食😎第三個就係豉椒炒大蜆首先佢哋嘅大蜆洗得非常乾淨完全冇乜沙石😛豉椒嘅味道都幾香 炒嘅時候亦都好細心成個處理都做得好好👌薑蔥焗沙巴龍躉魚同埋滑蛋叉燒嘅味道都好高質之後自己好鍾意嘅係椒鹽骨😎因為除咗肉質好鮮味之外就係佢哋嘅份量好足夠 椒鹽嘅味道令到豬肉嘅香味更加提高💕送飯真係👍而且唔少得嘅梗係一個蔬菜要咗金銀蛋浸時蔬好開心嘅係就算外賣過咗
但係成日都掛住一啲好特別嘅嘢食所以突發奇想想叫下外賣
但係屋企住得比較遠 但係居然比我發掘到一間媽咪又鍾意食嘅餐廳 😍
而且送外賣嘅範圍連偏遠地區都包括埋(青衣 , 沙田, 馬鞍山etc)最重要仲要免運費!!
首先要讚下佢哋😛
因為連屋企人都話佢哋食物嘅包裝好用心 包得非常衛生 所以都好安心咁樣食外賣
首先我哋呢個餐第一個係蒜蓉粉絲蒸波士頓龍蝦😁
佢哋蒜蓉同粉絲嘅調味真係做得好出色!!
粉絲吸晒蒜蓉嘅精華
而且波士頓龍蝦非常新鮮整出嚟肉質鮮美又彈牙 勁正!!
第二個我哋要做避風塘炒龍蝦😛
因為喺香港食到正宗避風塘嘅菜式真係唔多機會
今日即管一試果然冇嗌錯!
避風塘香味撲鼻而來 而且鑊氣夠 加埋龍蝦嘅肉質啖啖肉 真係好夾 相信一家大細都會好鍾意食😎
第三個就係豉椒炒大蜆
首先佢哋嘅大蜆洗得非常乾淨完全冇乜沙石😛
豉椒嘅味道都幾香 炒嘅時候亦都好細心
成個處理都做得好好👌
薑蔥焗沙巴龍躉魚同埋滑蛋叉燒嘅味道都好高質
之後自己好鍾意嘅係椒鹽骨😎
因為除咗肉質好鮮味之外就係佢哋嘅份量好足夠
椒鹽嘅味道令到豬肉嘅香味更加提高💕送飯真係👍
而且唔少得嘅梗係一個蔬菜
要咗金銀蛋浸時蔬
好開心嘅係就算外賣過咗少少時間但係都冇影響到佢哋嘅味道💕
超級好食 因為自己本身都好鍾意食金銀蛋😀
咩都唔會過鹹而且啲菜熟嘅程度都拿捏得幾好😎 媽咪都話好少見到啲咁高質嘅成品
另外我哋叫咗瑤柱蛋炒飯
瑤柱嘅份量真係多到令到我哋好驚喜!!
鋪滿晒喺成個飯嘅上面
而且鑊氣足 蛋漿同瑤柱都夾得好好
所以啲飯炒到粒粒分明超好食
所以其實而家外賣嘅方式都幾方便
都唔使擔心冇咗堂食晚市
Post
