HeSheEat (白布街) (Closed)

今日終於一嘗近期好好人氣既HeSheEat。可能時間還早，大約七點半鐘左右，一行兩人唔洗等位就可以順利入座，仲可以坐係樓上，上面有好靚既環境裝修，而且又暗暗地好有情調，岩曬情侶sweetsweet，朋友傾心事。我地總共叫左三樣野飲野食，頭兩樣係荔枝乳酪奶凍，栗子奶昔。最尾一樣係店員推介，餐牌上面無既綠茶心太軟。心諗綠茶係我my favour，心太軟又玩得又食得，正，就要呢個。第一個上既係荔枝乳酪奶凍，呢個簡直係甜品類入面既頭盤。整個味道極為清新，全因為荔枝既清香，再加上乳酪酸得來帶有甜味，好啱係行到熱啦啦咁坐低食返啖消下暑，而且又可以帶走口腔既悶熱，成個人醒神曬，正過食爽浪。正直夏天荔枝當造，所以絕對係夏天最佳生果甜品選擇之一。第二個上既係栗子奶昔。食完個定頭盤有小小口渴，岩岩好上到栗子奶昔。上面有燕麥點綴，外觀唔差唔洗白雪雪。栗子味非常濃郁，配上上層mosses，口感爆燈。鐘意栗子既你一定要試。最後就係主角綠茶心太軟。因為整呢個甜品係要d時間，所以成為最後登場既主角亦都理所當然。店員一放佢係台面熱噴噴既綠茶香味迎面而來，連側邊台既其他食客都忍唔住要望多幾眼，可想言之真係有幾香。係切開