Video
Read full review
2012-06-26
355 views
紅酒燴牛膝一早約咗朋友星期六去西貢食意大利餐Italiano's Restaurant & Bar, 呢間餐廳情調真係一流，全場用木色嘅裝修，燈光亦好柔和，牆上面有好多花樽同雕塑做裝飾天花，採用咗藍色嘅壁燈設計，配上一把古色古香嘅吊扇，感覺優雅。好在之前有訂位，我地十幾人坐樓上。Focaccia 意式香草麵包配橄欖油黑醋及牛油：呢個係餐前小食，每枱都會有嘅，完全免費！麵包質感唔算細密，但配埋油醋就幾好味，亦可以搽牛油一樣好食！Antipasti 特色拼盤：好豐富，有 Artichoke 雅枝竹、Salami 莎樂美腸、 Brie Cheese 布利芝士、White Button 白磨菇、Prama Ham 意式風乾火腿、 蝦，仲有啲生菜！雅枝竹可能係意大利菜入面最貴嘅蔬菜類，入口味道唔係太特別，可能我唔識欣賞啦！有啲似稔咗但係冇荀味嘅荀；莎樂味腸就肉味濃郁，芝士亦好香但食落唔太重味，磨菇好爽而且菇味濃；最好味梗係 Prama Ham 啦，唔會過鹹啱啱好，同菜絲一齊食都好夾；蝦細細隻好彈牙，味道鮮美！成個拼盤雖然好似好多油咁，但係都係橄欖油！鮮紐西蘭青口(忌廉香檳汁) $98 (半打)，
一早約咗朋友星期六去西貢食意大利餐Italiano's Restaurant & Bar, 呢間餐廳情調真係一流，全場用木色嘅裝修，燈光亦好柔和，牆上面有好多花樽同雕塑做裝飾天花，採用咗藍色嘅壁燈設計，配上一把古色古香嘅吊扇，感覺優雅。好在之前有訂位，我地十幾人坐樓上。
Focaccia 意式香草麵包配橄欖油黑醋及牛油：呢個係餐前小食，每枱都會有嘅，完全免費！麵包質感唔算細密，但配埋油醋就幾好味，亦可以搽牛油一樣好食！
Antipasti 特色拼盤：好豐富，有 Artichoke 雅枝竹、Salami 莎樂美腸、 Brie Cheese 布利芝士、White Button 白磨菇、Prama Ham 意式風乾火腿、 蝦，仲有啲生菜！雅枝竹可能係意大利菜入面最貴嘅蔬菜類，入口味道唔係太特別，可能我唔識欣賞啦！有啲似稔咗但係冇荀味嘅荀；莎樂味腸就肉味濃郁，芝士亦好香但食落唔太重味，磨菇好爽而且菇味濃；最好味梗係 Prama Ham 啦，唔會過鹹啱啱好，同菜絲一齊食都好夾；蝦細細隻好彈牙，味道鮮美！成個拼盤雖然好似好多油咁，但係都係橄欖油！
鮮紐西蘭青口(忌廉香檳汁) $98 (半打)，賣相非常賞心悅目，D青口肥嘟嘟，入口相當嫩滑，十個正!!! 個汁有少少搶左青口的鮮，但其實個汁非常好味，我地索性將D餐飽浸入個汁食，呢個青口，回味無窮呀！
燒鴨胸伴紅梅汁$168-鴨胸鮮嫩有肉汁，點紅梅汁增添肉汁，而且無咁膩，值得推介。
紅酒燴牛膝$188–除了牛膝外，還有些意大利飯伴碟，上面淋上紅酒汁。味道確是不錯的，牛膝炆得極林，配以意大利飯一起吃，真是可以掃清一整碟的。
草汁羊架$218-好有羊味，我試兩碟，我比較生d帶粉紅會肉質稔身d，但另一碟比較熟就鞋。
燒豬肋排(半份$158)也是這裏的熱門菜式。厚肉到令人驚嘆，份量無可置疑。至於質量，也是水準之作，燒烤醬醃過的肉排非常入味，還帶着一絲煙熏的香氣。而且肉質腍而不散，肯定是認真花時間烤焗之作。但我本人唔係太鍾意哩種質感。
雞扒薄餅$130(12吋)-鍾意批式夠薄帶脆，雞扒焗完都很嫩滑， 配合菜絲、酸忌廉和泰式醬汁， 好特別，但可能已經飽啦! 所以唔覺得好食 。
價錢 : 晚上2人套餐 , $348包1個沙律或2個湯, 1個意粉及1個薄餅, 1個甜品及兩杯飲品
$408包1個沙律或2個湯, 2個主菜(燒豬肋排, 燒魚或牛扒), 1個甜品及兩杯飲品
Post