珍一料理 (榮高樓) (Closed)

今日中午真係諗唔到食乜，想轉下唔食茶餐廳，同事建議佢叫外賣叫幾餸再加幾個白飯。叫左個四喜烤麩 ，辣鹵金錢肚 ，脫骨香豬肘，加幾個白飯。一定要講吓，點解呢因為平時其實中午都食唔到好多嘢，但係今日超開胃，我一個人食咗好大兜白飯，同埋佢啲餸真係辣得嚟好吊胃，嗰個四喜烤麩，爽爽地，又甜又酸，超級好食。同埋份量一啲都唔少，嗰個金錢肚，好好咬口，唔好話送飯一流，做下酒菜都非常之吸引！ 下次可以買返屋企做宵夜✌️✌️😍😍😆同事都覺得好吸引，因為佢呢間真係太多選擇，幾個人嗌幾個餸加幾個飯都好抵食。