三木日本料理 (Closed)

香港放題真係越來越多選擇競爭都好大，值得推介嘅放題真係越來越多！今次呢個放題係比鍾意食海鮮同刺身嘅朋友！！！ 三木放題order紙有A至L咁多選擇！講下最特別嘅機燒海鮮😍 真係幾新鮮下！！！最抵食就係有蟶子、有鮑魚、有蟹蓋！！！ 每款都係超大隻，同西貢海鮮有得比。另外就係刺身啦，甜蝦真係好抵食，夠晒大隻，象拔蚌都好正，一定要食！ 蟹蓋，真係幾特別，平時自己去燒烤都好少燒蟹蓋，今次有現成一定要試吓，記得鵪鶉蛋係打落蟹蓋度再燒。