皇朝私房火鍋

Open Now

Now Closed

15個人gathering 可以直接book VIP房都得次次gathering 都食西餐，所以今次想試新野，所以就揀佐呢間全港首間蒸氣火鍋。食物：平時都係係大陸食蒸氣火鍋，第一次係香港食，初初對佢期望唔高，始終多人食一直驚食唔夠喉。我地今次係叫set，個人覺得價錢可以接受既！一開始食貝殼類海鮮好鮮甜，不過個時覺得一定唔夠飽，一人食每種貝殻類都係得幾粒。之後上蝦上蟹上鮑魚個時先知咩叫愈黎愈大兜，同埋啲海鮮都真係好生猛。不過個雞麵冇想像中咁吸引，啲雞幾甜，但一定要加佢地既辣油先好食！服務：雖然要一種一種食物落鍋蒸，每次都要等我地食完先再放，但個waiter完全冇嫌麻煩，又幫我地分好一人一份野食，夾到落我地每個碟到。食物蒸要計時，waiter會走開做自己野，時間一到就即刻番黎，我地完全唔洗擔心蒸唔好或者蒸過熟。而且要影相就影完先煮，唔會催我地。態度good！！環境：裝修乾淨，VIP room有兩個廁所好方便，好乾淨。另外入面有得送酒。