發哥粥底海鮮火鍋 (Closed)

一入到去環境幾好，職員都好快帶我地拎位坐低，效率幾好，唔錯。然後即刻拎餐牌比我地睇，仲逐一介紹邊款餐岩我地食，出面好少有人會咁樣，平時都系帶完位就唔理人）。 然後我地嗌左龍蝦餐同海蟹餐。 系未上菜同時，職員就拎左前菜比我地，有花生同青瓜。花生冇乜特別，但個個青瓜好好食，好夠味，勁開胃，同時佢又遞上左竹庶矛根，幾清涼。終於都到今日既主角上場啦。龍蝦同海蟹，望落系幾新鮮。有鮑魚，聖子，帶子，龍等同蝦。仲要個龍蝦勁多膏，多到嚇親我。然後自選打邊爐料就有皇帝菜，牛肉，雞肉，魚，豬潤，魚片頭同蝦滑。到真系食啦，佢會有個食法表教你邊種要淥幾耐，又會有個計時器系到，完全唔洗驚會驚到老晒唔好食。所以我結肺友都食得好開心，因為真系好好食。另外要值得一提既系佢又附送一盅湯，個個湯真系好好飲，好足料，沙參鄧雞，好重雞味。飲落第一啖比佢辣口，哈哈。如果你地去飲記得要小心D,慢慢飲。後記，同朋友食左兩個鐘到，過左一個愉快既星期五，又有好野食。岩岩去到個陣，心諗屋村鋪都系咁上下，唔方會有驚喜，點知原來真系唔錯，好多方面都系意料之外。最重要系食物新鮮，環境唔錯，職員友善同埋有工作效率！Btw下次去既朋友記得要叫龍蝦