么鳳 (Closed)

上星期去咗holly wood plaza，見到有間么鳳，買咗d黎食。今次去九龍city, 又見到有么鳳。不過原來兩間店是有不同的。hollywood 嗰間叫 "上海么鳳"，而KLC呢間就淨係叫么鳳。老闆娘話佢地真係有幾年歷史，同上海么鳳不同。我地做顧客嘅都唔會點理邊個打邊個，或者邊間先係正店，總之好食就得啦！今次買咗山楂條、泰梅、華梅肉同佛手果。山楂條上次喺hollywood 嗰間買過好食，今次試完味之後覺得差唔多，所以就買咗半磅。呢隻山楂條無其他款式咁甜，無咩artifical sugar。軟軟淋淋，食到停唔到口。佛手果切得大大粒。好多香草喺上面，味道很濃、清甜很潤喉。不過質地硬咗少少。泰梅正，因為夠酸。華梅肉都係夠酸，不過就加咗糖精，多食無益。