久留居

Open Now

Now Closed

呢間餐廳啱啱開張嘅時候食過一次，嗰次食拉麵，覺得好似food court嘅質素，之後冇再去。近排聽聞佢哋做埋早餐，好似改咗少少，於是lunch又去食吓。今次叫咗個和風牛肉飯，本來送到嚟都冇諗住影相出評，只見啲汁杰杰地咁已心知不妙，食落口响汁唔多夠味，感覺有啲似食緊痰… 牛肉一般般就唔多講了… 食咗幾啖飯，發現好多結塊，有啲仲係乾咗黐牙嗰隻，就好似隔夜飯用微波爐翻叮又唔記得加水咁款，部分叮乾咗，而且食到一半啲飯已經唔熱。 結果臨走前影低咗因不能入口而食剩嘅飯。以咁嘅出品質素真係好浪費食物，大量增加廚餘。 咁嘅飯都學人收七十蚊，佢真係大膽！