三姐松記糖水 (Closed)

松記比我感覺多數都係水果、雪糕撈埋一碗好hea😂原來呢間三姐松記同松記係唔同，多好多創意新款，情況就好似譚仔分左2間咁啦，但三姐就只此一間，而且老闆就話所有甜品配料都係自家每日新鮮整，誠意十足架👍🏻紫薯撈河🍠($32)，呢個紫薯甜品雖然冇令人相機食先既吸引力，但係就真材實料夠紫薯夠天然💜唔似平時用紫薯粉或者色素 🙈紫薯粒加埋濃郁既紫薯醬，仲有爽滑既粗切河粉，個底仲有椰汁，撈匀之後味道好夾，比想像中好食，有驚喜😋芋圓丸($38)，一次過滿足晒你幾個願望✨有西米、三色芋圓、薏米同芝麻湯丸，最特別係個糖水底係新鮮芋頭打成芋泥，陣陣芋香，芋圓煙韌有咬口，湯丸記得要趁熱食，係流心芝麻黎架，但有一粒我留返最後先食就凍左冇流心喇。😂