瑞士咖啡室 (Closed)

其實真係唔想嘥時間同佢再寫食評，但係真係頂佢唔順。時間緊迫嘅關係，又去咗食瑞士咖啡室。我地叫左蜆尬韭菜炒牛肉同埋焗椰汁泰式咖喱焗豬扒，聽見個名都驚呢？! 食落仲驚啊！！個牛肉超鹹，要食一啖牛肉要加一啖白飯先哽得落，個焗咖喱豬扒又唔甜又唔辣，真系食多兩啖都覺得曬咗我個胃嘅quota。究竟個廚師做d fashion 菜有冇試味架？！怪唔得入到去咁多空位。因為真係好難食！間鋪咁大，得幾台客。二人餐仲要收$178， 睇怕都係全葵涌茶餐廳最貴！如果啲食評可以有得比負分嘅話，我一定會比負分！貴店嘅高層再唔正視食物質素問題，真係可以早點關門大吉。唔好意思好似好刻薄，但你試過就知我講乜。