雲南啊老表黑山羊湯鍋米綫

Open Now

Now Closed

之前見佢係佐敦開咗分店，就去試一試，點知佐敦店份量太少，但都係觀塘店最好食。例牌都係叫咗個大嘅羊肉米線，以前喺觀塘道可以選有皮冇皮，而家轉咗過嚟呢邊雖然冇得揀，但係今次有驚喜啲羊肉係有皮。其實佢個羊肉再加埋啲菜甫真係一絕，好可惜佢d小食大部份都係會出事，今次試吓呢個羊肉串燒， $19兩串，份量唔算多，味道係好食但比較乾身。雞翼之前試過賴嘢，上枱嘅時候都係凍嘅，今次俾多次機會佢。今次叫麻辣，唔算卜辣亦好入味，如果可以多番少少芝麻嘅話就會更加完美。今日唔知係咪假期，好似下午茶冇送嘢飲，但係佐敦嗰間咩時段都冇嘢飲送。不過重點都係羊肉米線，真係無法取代。