Video
Read full review
2018-02-11
415 views
跟朋去出開尖沙咀放工去行下街，瘋狂購物完畢，就要再諗食咩好，因為天氣實在太凍，我地諗到既就只有邊爐，韓燒煲仔飯！咁啱行完街對面就見到炑八，咁朋友就話唔好諗喇直接衝過去haha 上到9/f 就係炑八韓燒，嘩已經好多人喇！張枱幾大張不錯食過炑八嘅都知，間餐廳行型格路線，食物價格算中價，質素唔錯架，店員帶我同朋友坐低，再望下menu，原來佢地有個新既新年menu $588/2人，臨近新年咁當然就試新野啦~ 步步高昇賀年套餐2人未有野食前，前菜，調味料，醬料已上齊，仲有我好鐘意嘅爐邊kimchi蛋漿+粟米芝士！！呢個set 話明係新年set 就梗係有好多新年元素在內，第一味上場的，就係餃子年糕湯，熱辣辣，我地頭先凍到不行，一飲落去，成身都暖晒喇～ 石鍋餃子年糕湯上枱啲年糕變左丸子，好得意～另外仲有3隻韓式餃子，餃子餡係豬肉粉絲，未有太多調味，但我覺得可以濃味番啲～ 之後，就係成個禮盒咁嘅九節板九節板其實係古時韓國宮庭菜，內裡材料都切絲，色彩繽紛，味道就以清淡為主，大家就攞一片面皮，再加入自己鐘意嘅材料，捲埋一齊食～ 幾好玩ＨＡＨＡ！用過兩款前菜，主角燒肉終於登場!由底到上分別有大蝦,薄切韓牛扒
上到9/f 就係炑八韓燒，嘩已經好多人喇！
張枱幾大張不錯
食過炑八嘅都知，間餐廳行型格路線，食物價格算中價，質素唔錯架，店員帶我同朋友坐低，再望下menu，原來佢地有個新既新年menu $588/2人，臨近新年咁當然就試新野啦~
步步高昇賀年套餐2人
未有野食前，前菜，調味料，醬料已上齊，仲有我好鐘意嘅爐邊kimchi蛋漿+粟米芝士！！
呢個set 話明係新年set 就梗係有好多新年元素在內，第一味上場的，就係餃子年糕湯，熱辣辣，我地頭先凍到不行，一飲落去，成身都暖晒喇～
石鍋餃子年糕湯上枱啲年糕變左丸子，好得意～另外仲有3隻韓式餃子，餃子餡係豬肉粉絲，未有太多調味，但我覺得可以濃味番啲～
之後，就係成個禮盒咁嘅九節板
九節板其實係古時韓國宮庭菜，內裡材料都切絲，色彩繽紛，味道就以清淡為主，大家就攞一片面皮，再加入自己鐘意嘅材料，捲埋一齊食～ 幾好玩ＨＡＨＡ！
用過兩款前菜，主角燒肉終於登場!
由底到上分別有大蝦,薄切韓牛扒，牛舌，韓牛，牛胸前肉，韓牛牛五花同厚切五花肉
蝦好大一隻，肉身彈牙入口啖啖肉好味~
跟住就食我最愛嘅牛！！！ 牛肉雪花分佈均勻，肉物軟稔，口感極幼細正！
牛五花最軟身，牛扒最有咬勁，至於厚切五花肉，我因為唔太好豬所以無試，朋友謂肥肉超有豬味 加上烤得微焦 好惹味。
食得滋滋有味，真係忍唔住口唔飲啲凍飲，因為已食得成身熱, 我地叫咗
士多啤梨特飲同巨峍特飲~ 正! 飲一啖晒~~
最後走嗰時，見到前台話有禮盒賣，問了店員，$168 , 入面會有啲糖同禮卷~~有興趣既就要去前台詢問一下喇~~
Post
