Video
Read full review
2017-06-26
4188 views
今日賴生好開心，因為屈小姐帶左佢去食佢中學時期既餃子舖呀，賴生感覺又踏入左屈小姐既人生（無限FF中），當遇上一個對既人，係真係好想自己有種超能力/有叮噹，可以番到過去，可以早D遇上佢，可以早D保護佢，可以早D去錫佢。所以當屈小姐一話去食佢中學食開既餃子舖，賴生即時BlingBling眼話好喎！梗係去！究竟中學時期既屈小姐條脷有冇而家咁尖架呢？即使落雨，亦都阻擋唔到賴生興奮既心情，跟住屈小姐黎到呢間舖頭！好好彩，我地早黎，冇乜人⋯但食食下就爆左人啦！果然屹立得係度有年資既舖頭，總係有佢既棒場客！雖然係一家老店，但所有座位都好光鮮，令立立既圓木枱同圓木櫈，雖然坐就可能較為擠逼，但衛生情況良好，其實係因為佢係最近先係呢度重開既，難怪會吸引到屈小姐既青睞！呢間舖係主打北方餃子，根據佢地既傳統，佢地食餃子冇湯上既，同埋只會點鎮江醋同豆辦醬食。呢間舖頭都幾正宗，真係跟足晒！仲有呢間D餸呀，飯呀都幾大堆頭，價錢仲幾合理經過公平公開公正既會議討論後，主席屈小姐接納左賴先生既動議，批准左《食飽D》方案，2個人食一碗麵加2碟餃子由於屈小姐睇過Openrice，所以佢介紹左1）京香韮菜鮮肉水餃 ，2）羊肉水
所以當屈小姐一話去食佢中學食開既餃子舖，賴生即時BlingBling眼話好喎！梗係去！究竟中學時期既屈小姐條脷有冇而家咁尖架呢？
即使落雨，亦都阻擋唔到賴生興奮既心情，跟住屈小姐黎到呢間舖頭！好好彩，我地早黎，冇乜人⋯但食食下就爆左人啦！果然屹立得係度有年資既舖頭，總係有佢既棒場客！雖然係一家老店，但所有座位都好光鮮，令立立既圓木枱同圓木櫈，雖然坐就可能較為擠逼，但衛生情況良好，其實係因為佢係最近先係呢度重開既，難怪會吸引到屈小姐既青睞！
呢間舖係主打北方餃子，根據佢地既傳統，佢地食餃子冇湯上既，同埋只會點鎮江醋同豆辦醬食。呢間舖頭都幾正宗，真係跟足晒！仲有呢間D餸呀，飯呀都幾大堆頭，價錢仲幾合理
經過公平公開公正既會議討論後，主席屈小姐接納左賴先生既動議，批准左《食飽D》方案，2個人食一碗麵加2碟餃子
由於屈小姐睇過Openrice，所以佢介紹左1）京香韮菜鮮肉水餃 ，2）羊肉水餃 同 3）山東鮮魚水餃比賴生去揀，打算3揀2，但係賴生細問之下，原來餃子係可以雙拼既，所以就3隻都叫晒啦！
山東鮮魚水餃
$50
103 views
1 likes
0 comments
鮮魚水餃？賴生第一次見，好似好特別咁，所以賴生就想試真D，揀左呢款餃子食10隻。
呢度既餃子呢，真係皮薄餡靚，粒粒都好飽滿，又唔容易穿既，你亦都可以係餃子皮透出黎既顏色睇到入面係咩餃，而且塊皮幾薄，大約1-2mm左右啦！同埋呢隻餃子皮好煙un嫁！
至於味道，係呢3款餃子入面，呢隻係最淡味既，所以賴生就食晒呢碟先！雖然話淡味，但唔代表冇味喎，當你咬落去會有少少湯汁滲出黎，輕盈淡香既魚味就係餃子滲入你個口！不過建議點一點鎮江醋食去釣出佢個魚鮮味出黎~~會更好味嫁!!...不過豆辨醬就應該唔駛...可能會咸左D遮左味!
山東鮮魚水餃
$50
103 views
0 likes
0 comments
京香韮菜鮮肉水餃 & 羊肉水餃
$44
38 views
0 likes
0 comments
身為羊肉控既賴生，梗係要叫羊肉餃子啦! 而且羊肉對女仔補血好好嫁，手腳冰冷易暈既朋友，記得食多D呀!!
呢間既羊肉餃好正!! 羊肉味爆燈! 一咬落去好似食神既爆醬瀨尿牛丸咁樣，D汁飛濺出黎，櫻桃小(丸子)嘴既屈小姐呢就差D彈到件衫，而擁有血盆大口既賴生就可以成粒放入口，等佢係口中黎個湯汁爆發!!封住佢既真味，爽!! 而且味道好有層次嫁，唔係單淨羊肉味~~! 首先一大浪羊肉味向住你舌頭衝擊，再係大約2秒之後，京蔥既香氣同味道係湯汁中滲番出黎!!好驚喜嫁!!
之後出場既就係呢度既Signature - 京香韮菜鮮肉水餃!! 當賴生一食完就頓時明白，點解屈小姐細細個就食呢間舖頭!因為呢隻餃子真係爆汁爆好食!! 同羊肉水餃一樣，一咬落去爆晒汁! 而味道同樣有鮮明既層次，第一波既衝擊係韮菜既味道，唔太重亦唔輕，洽到好處，之後就好似釣魚咁樣....扯晒豬肉既鮮味出黎，豬肉既鮮味有如海嘯般進行第2波既衝擊......真係好食到不得了!!
酸辣湯麵
$37
75 views
1 likes
0 comments
經過我地既商討，係lunch menu揀左個酸辣湯麵，純粹只係因為我倆都嗜好酸及(微)辣既野食，只可惜呢碗酸辣湯麵兩頭唔到岸，既不能稱之為酸亦不能與辣掛勾，只帶丁點兒酸味，而辣味幾近石沉大海。
唯一可以著墨既地方係....料既份量真係好多....麵質仍算可以! 所以總括而言係不過不失....普普通通!
山楂茶
$2
47 views
0 likes
0 comments
被酸辣湯麵拉下去既心情仲好沉重，原來諗住呢杯野都唔會好飲得去邊嫁啦.....點知呢?呢杯野又幾醒神喎，酸酸地但好解渴好潤喉! Lunch Menu加$2蚊有得飲又幾抵加喎!!
總結
難怪屈小姐會自細鍾情呢間餃子舖，佢條脷真係細細個就係美食中浸淫而慢慢尖化嫁喇!! 佢地既餃子的確做得幾出色，基本上唔駛點醋就已經好夠味，而且餃子既味道好鮮明又有層次，皮薄而帶UN性，單論餃子既成品黎講，可以話係屈小姐同賴先生暫時食過咁多間餃子舖既三甲之內，雖然未得狀元之名，但榜眼探花亦穩如泰山。
不過，同樣地，未知係唔係大部份餃子舖既麵食類都會因為專注餃子而被忽略，麵食類每每都有點令人失望!
但係呢個舖頭既價錢同碟頭成正比例，就賴生所見，個燒雞菜飯係一大碟飯上面加幾件大雞肉...而豬扒既SIZE亦大過賴生塊面，都幾吸引...! 假如要約一大班朋友黎gathering，都未為不何.....特別係一班大食既朋友ssss，推薦!!
#InceptToGoddessChildlihood
#屈小姐條脷係由細養成的
#再加上賴生既嚴重地塗毒
#所以賴生要負責
#餃子控
#爆汁餃子
#食飽飽既感覺真好
#充滿能量去迎接開心快樂既一日
#落雨者，有妳係度駛乜怕喎
Post
