肯德基家鄉雞 (KFC) (Closed)

KFC 的品質每間都唔同，我都好想問點解，唔通係人流有關? 幸好元朗榮光大廈呢間KFC 算唔錯，今次好運，啲雞仲係岩岩炸好的。KFC 而家幾乎每個月都出新口味，的確成功吸引左食過一次今個月的咸蛋黃炸雞。每人口味各有喜好，我就都係覺得巴辣香雞會開心啲今日用網上系統外賣自取叫個巴辣香雞2人餐，有4件雞，1盒白汁雞皇飯，2件葡撻，2罐汽水。 全單有85折。但有樣嘢要改善的係，未做會員，落單後唔會有咪通知，到餐廳亦無顯示個餐拎得未，要自己主動去問出餐處的職員，用個電話號碼問拎得未，未拎得的話，咁顧客要隔幾耐問一次呢? 我幾時先知拎得未呢？今次個巴辣香雞係岩岩出爐，好熱咬落好多汁，除左雞肉質素有影響之外，平嘢黎講，炸雞最好食一定係新鮮出爐嗰陣，外表好脆，肉汁衝緊出黎，食唔食到岩岩出爐嘢都睇彩數，今日係幸運日。白汁雞皇飯雞肉同紅蘿蔔都幾多，除此之外無乜意見，因為白汁雞皇飯，間間KFC的品質都好相近。