Video
Read full review
2011-05-06
277 views
如果....1) 你自問想測試吓自己EQ有幾高.2) 想揾嗰人俾面色你仇人睇.3) 你喺公司唔駛受氣又想揾D實戰經驗.咁燒烤大王嘅各級員工一定唔會令你失望, 話唔定重有驚喜.話說4月30日請完老友去完譚魚頭任食火煱, 八佰幾埋單, 老友話五一去燒烤重喺燒烤大王訂埋位.準時去到攞位, 見到要位位$158, 重貴過譚魚頭任食, 算! 一場嚟到照入去.門口收錢嗰位真喺稱職, 面口果然十分黑, 所以我哋都唔夠胆問多句,放低買路錢之後, 跟住就由佢派出嘅阿姐安排座位.嗰阿姐一路行一路話坐低就唔准轉枱, 坐低就唔准轉枱, 坐低就唔准轉枱, 好似念咒咁. 終於到咗火炎地獄, 四面七十幾嗰炭爐圍住你, 加埋有蓋唔通風, 自問有燒炭嘅感覺. 張枱又細, 兩張枱並排兩邊共擺八嗰位, 根本坐唔到.嗰阿姐等咗5秒鐘度又話：『坐出邊如果行雷閃電, 狂風暴雨, 你喊住揾我, 我都唔會幫你轉枱!』因為有細路加埋老人家, 所以考慮坐唔坐. 跟住阿姐又話：『你快D决定, 我好忙 (黑面)!!!!!!!!! 』就轉身走.我惟有自己揾吓位, 揾位之前仲千叮萬囑叫D細路唔好坐, D細路亦好乖企定定, 終於揾到嗰窗邊位
1) 你自問想測試吓自己EQ有幾高.
2) 想揾嗰人俾面色你仇人睇.
3) 你喺公司唔駛受氣又想揾D實戰經驗.
咁燒烤大王嘅各級員工一定唔會令你失望, 話唔定重有驚喜.
話說4月30日請完老友去完譚魚頭任食火煱, 八佰幾埋單, 老友話五一去燒烤重喺燒烤大王訂埋位.
準時去到攞位, 見到要位位$158, 重貴過譚魚頭任食, 算! 一場嚟到照入去.
門口收錢嗰位真喺稱職, 面口果然十分黑, 所以我哋都唔夠胆問多句,放低買路錢之後, 跟住就由佢派出嘅阿姐安排座位.
嗰阿姐一路行一路話坐低就唔准轉枱, 坐低就唔准轉枱, 坐低就唔准轉枱, 好似念咒咁.
終於到咗火炎地獄, 四面七十幾嗰炭爐圍住你, 加埋有蓋唔通風, 自問有燒炭嘅感覺.
張枱又細, 兩張枱並排兩邊共擺八嗰位, 根本坐唔到.
嗰阿姐等咗5秒鐘度又話：『坐出邊如果行雷閃電, 狂風暴雨, 你喊住揾我, 我都唔會幫你轉枱!』因為有細路加埋老人家, 所以考慮坐唔坐.
跟住阿姐又話：『你快D决定, 我好忙 (黑面)!!!!!!!!! 』就轉身走.
我惟有自己揾吓位, 揾位之前仲千叮萬囑叫D細路唔好坐, D細路亦好乖企定定, 終於揾到嗰窗邊位, 我走返去同阿姐講想坐嗰邊, 阿姐面色一黑, 其實由頭到尾都喺黑面, 所以正確係阿姐面色更黑! 就話：『講咗坐低就唔准轉枱.』我就話：『我哋無坐低到, 想坐嗰度。』
阿姐死死氣同我行過去, 又話：『坐低就唔准轉枱』, 跟住佢另一嗰同事問另一班客人要唔要我揀咗嗰個窗邊位, 另一班客人話要就坐底咗, 嗰阿姐又轉身走咗.
唉, 跟住自己再揾枱, 今次唔去揾阿姐, 直接叫D細路去坐低. 因為自己揾枱, 所以無人開爐, 惟有去揾阿姐, 阿姐又話：『你轉幾十次枱 , 我無時間招呼你!』經過我不斷求哀求, 阿姐終於肯去我張枱, 一去到又話：『你得八嗰人, 張枱喺十四人枱, 所以唔得.』 眼見張枱每邊都喺放四個位, 兩邊加埋八個. 我老友話投訴佢, 阿姐好大聲唔講：『你揾邊嗰都喺咁講, 我叫xxx, 中文叫xxx, 我性x, 中文叫xxx....』好似驚人唔知佢叫乜名.
經過一輪說教, 我哋又被人安排去另一張枱. 仲講明無太陽傘, 落大雨淋濕D細路都唔准轉枱.
真係覺得係公司都無試過被人咁玩法.....
終於開到爐, 開始燒烤....可以試吓佰幾蚊燒烤餐有乜特別....
丸, 腸仔都係標準嘢.
豬扒同鷄翼都無味.
牛肉粒OK!
結果D食物又喺嗰D, 無乜特別, 除咗特別受氣同特別貴外, 同一般燒烤場無分別.
上次去白石可以自己燒原隻乳豬同鷄, 今次就凈係多肚氣!!!!!!!
Post