Video
Read full review
2022-03-08
2267 views
大約一年前第一次黎呢間銅鑼灣既段純貞牛肉麵食台式牛肉麵。難得今日疫情期間餐廳都開門，決定同友人再黎食個lunch，重溫一下台式牛肉麵。餐廳主打唔同種類嘅牛肉麵同雞麵，仲有多款小食同台式飲品。原來仲有甜品，同隔離京都勝牛嘅甜品一樣。午市餐牌有自選組合，做3個價錢，分別係$102麵食加飲品，$118麵食加小食，同$138麵食加小食加飲品。不過自選組合唔係乜都可以揀，貴價嘅牛四寶就冇得揀。設有加一服務費。落單自己掃QR code，都幾花時間。紅燒腱心半筋半肉牛肉麵師奶仔當然係揀主餐牌當中最貴既紅燒腱心半筋半肉牛肉麵啦。碗麵大大碗，連個碗都印左個招牌名段純貞。先飲一啖湯先，好清甜，帶有香濃藥材同牛骨味，但係一d都唔油。原來個湯係用牛油加入香蔥，薑蒜，豆瓣與23種中藥材，慢火拌炒8-9小時後，加入牛骨高湯熬，再加上各種手工調配的香料及醬料，但係飲出嚟嘅感覺係複雜中見簡單，落到喉嚨有少少辣。牛有3條牛筋同兩大舊牛腱心肉。餐牌介紹牛腱心肉係一隻牛只有五碗份量左右，炆得超淋又重牛肉味，仲帶d骨膠原重既牛筋，餐牌寫明係美國牛肉，好味道。牛筋都係炆得超淋而骨膠原重。配菜有兩條小棠菜同蔥花，我叫左多蔥，食落
餐廳主打唔同種類嘅牛肉麵同雞麵，仲有多款小食同台式飲品。原來仲有甜品，同隔離京都勝牛嘅甜品一樣。午市餐牌有自選組合，做3個價錢，分別係$102麵食加飲品，$118麵食加小食，同$138麵食加小食加飲品。不過自選組合唔係乜都可以揀，貴價嘅牛四寶就冇得揀。設有加一服務費。落單自己掃QR code，都幾花時間。
紅燒腱心半筋半肉牛肉麵
紅燒腱心半筋半肉牛肉麵
35 views
0 likes
0 comments
師奶仔當然係揀主餐牌當中最貴既紅燒腱心半筋半肉牛肉麵啦。碗麵大大碗，連個碗都印左個招牌名段純貞。先飲一啖湯先，好清甜，帶有香濃藥材同牛骨味，但係一d都唔油。原來個湯係用牛油加入香蔥，薑蒜，豆瓣與23種中藥材，慢火拌炒8-9小時後，加入牛骨高湯熬，再加上各種手工調配的香料及醬料，但係飲出嚟嘅感覺係複雜中見簡單，落到喉嚨有少少辣。牛有3條牛筋同兩大舊牛腱心肉。餐牌介紹牛腱心肉係一隻牛只有五碗份量左右，炆得超淋又重牛肉味，仲帶d骨膠原重既牛筋，餐牌寫明係美國牛肉，好味道。牛筋都係炆得超淋而骨膠原重。
腱心半筋半肉
34 views
0 likes
0 comments
配菜有兩條小棠菜同蔥花，我叫左多蔥，食落啖啖爽口青蔥連湯，正。另外有一小碟鹹酸菜，都唔差。麵條可揀手工麵或者細麵，呢碗我哋揀左細麵。細麵非常幼細，冇乜味又冇乜質感，就唔多好食，我唔會推介。
紅燒腱心半筋半肉牛肉麵
35 views
0 likes
0 comments
燉番茄腱心半筋半肉麵
燉番茄腱心半筋半肉麵
27 views
0 likes
0 comments
燉番茄腱心半筋半肉麵同紅燒腱心半筋半肉牛肉麵基本上一樣，只係兩條小棠菜變左一隻燉番茄，而半筋半肉份量係各兩大舊。湯底方面係加少少番茄味，所以帶少少酸酸哋。餐牌介紹手工麵搭配湯底最好，因為更吸湯。所以呢個麵我地揀左手工麵，手工麵粗身有咬口，好似刀削麵，我自己就非常鍾意。兩款湯底既味道都唔錯。
鹽酥雞
43 views
0 likes
0 comments
鹽酥雞
小食叫左鹽酥雞，有五大件，比一年前少左一件。鹽酥雞炸得外酥內嫩，都有肉汁，算合格貨色。空口食會乾，拌湯麵食更好。
酥炸排骨
29 views
0 likes
0 comments
酥炸排骨
酥炸排骨
19 views
0 likes
0 comments
另外一份小食叫左酥炸排骨。酥炸排骨原來係一大塊豬扒切開7件，有大有細。肉質可以，不過都好肥下。配有唔少鹹酸菜。個人覺得可以，不過我會鍾意真排骨多d。
香芋珍珠奶茶
48 views
0 likes
0 comments
香芋珍珠奶茶
飲品叫左一杯香芋珍珠奶茶，上次飲過覺得好飲，今次叫左走冰。呢個香芋珍珠奶茶香芋味好香濃，又夠滑，茶味反而唔太濃。加埋好多煙韌彈牙既珍珠，唔錯。
抹茶紅豆流心蛋糕
$58
13 views
0 likes
0 comments
抹茶紅豆流心蛋糕 $58 另加一
抹茶紅豆流心蛋糕
$58
10 views
0 likes
0 comments
甜品餐牌同隔離京都勝牛嘅甜品一樣。上次係京都勝牛食過棉花糖雪糕同麻糬雪糕糯米糍，今次試試抹茶紅豆流心蛋糕。抹茶流心蛋糕上面加左少少紅豆蓉，再灑上少量柚子皮，伴有一球雲呢拿雪糕，雪糕上面灑上少少綠茶粉。仲有一片士多啤梨配忌廉。可惜主角抹茶流心蛋糕並唔多流心，不過味道方面抹茶蛋糕+紅豆+雲呢拿雪糕都係絕配。
裝修好靚，以木為主，感覺古色古香，座位舒適，適合同友人飯聚。食物方面，質素算唔錯，價錢又唔算貴。$138加一有麵食加小食加飲品都算唔貴。
Post
