少爺泰 (Closed)

又係沙田！呢度真係美食大都會！呢間好似係新開既泰國餐廳，裝潢都幾新，而且座位算幾舒服、寬闊。餐牌都乾淨，冇油膩感，而且圖片都放得幾大，夠逼真。枱面簡潔，同樣冇油膩感。整體坐低後既感覺都幾唔錯，哈哈！「瞠目結舌」首先黎到既係呢個超級大既菠蘿炒飯，一上枱已經可以嚇親我，除左用原個菠蘿之外，仲有兩隻大炸蝦，插左係個菠蘿前面，成件事已經係好震撼！我同朋友就諗住逐樣食，一開始就解決左蝦先！炸蝦算幾脆口，可以連殼食都冇問題，而且中間開左邊，可以用叉一野起哂啲肉，呢個位算做得幾細心。炒飯入面幾有泰式風味，加左肉鬆、提子乾、黃薑炒，都係有心既餐廳，力臻泰式風情。「出其不意」金沙卷，淨係睇個名已經夠特別，食落估唔到配料係軟殼蟹，伴碟既醬汁應該係芒果汁(?)　甜甜的，個汁同軟殼蟹幾夾，同埋有個濕潤感，算係中和到個炸物既油膩，呢個組合幾唔錯，而且夾係中間既菜都算新鮮，唔苦，只可惜得四件，有啲唔夠喉。「別出心裁」小食拼盤係泰國菜必食既！可以試哂咁多款小食，當中最令我印象深刻既，竟然有蔗蝦！平時都算幾少機會食到，蝦肉幾彈牙，而且冇炸到好乾，保留到蔗本身既水份，算係幾好食！另外，馬拉盞炒通菜份量夠大，好適合一家大