Video
Read full review
2010-05-11
34 views
柴灣區內少有京滬菜，好近屋企，所以母親節去試一試，整體感覺OK5個大人有叫白飯同飲品，食左 $760，價錢可接受，但柴灣區......街坊多......呢個價錢偏高環境：位處青年廣場內，廣場似迷宮，舖位又十室九空，感覺怪怪地。去到仲要行落十幾級樓梯，老人小孩要小心。不過我見樓梯一邊圍左板，可能遲D會有扶手電梯。服務：侍應多數都係年青人同南亞人士，服務殷勤有禮，唔錯。食物：<<酸辣湯>> 味道中規中矩，上檯時細細碗以為唔夠分，原來都分到5小碗<<雞絲粉皮>> 我無食，母親大人話麻麻地<<牛展>> 片得幾薄，肉夠淋但無乜味，不過份量真係幾多<<燻魚>> 做得唔錯，一條骨都無，幾脆，味道偏甜，我鍾意甜D，所以覺得幾好<<樟茶鴨>> 好香煙燻味，肉都幾滑<<宮保蝦仁>> 迷你蝦仁，食時仲脆脆地，D汁酸酸甜甜，見到碟底D油咁紅以為好辣，點知無料到，但都幾開胃，係嫌D蝦太細粒 <<炒鱔糊
5個大人有叫白飯同飲品，食左 $760，價錢可接受，但柴灣區......街坊多......呢個價錢偏高
環境：
位處青年廣場內，廣場似迷宮，舖位又十室九空，感覺怪怪地。去到仲要行落十幾級樓梯，老人小孩要小心。不過我見樓梯一邊圍左板，可能遲D會有扶手電梯。
服務：
侍應多數都係年青人同南亞人士，服務殷勤有禮，唔錯。
食物：
<<酸辣湯>> 味道中規中矩，上檯時細細碗以為唔夠分，原來都分到5小碗
<<雞絲粉皮>> 我無食，母親大人話麻麻地
<<牛展>> 片得幾薄，肉夠淋但無乜味，不過份量真係幾多
<<燻魚>> 做得唔錯，一條骨都無，幾脆，味道偏甜，我鍾意甜D，所以覺得幾好
<<樟茶鴨>> 好香煙燻味，肉都幾滑
<<宮保蝦仁>> 迷你蝦仁，食時仲脆脆地，D汁酸酸甜甜，見到碟底D油咁紅以為好辣，點知無料到，但都幾開胃，係嫌D蝦太細粒
<<炒鱔糊>> 似炒芽菜多D，不過味道都算可以
<<鮑魚菇扒時蔬>> 津白本身好甜，所以好好味，但係D獻杰撻撻，所以唔好放到凍哂先食
<<小籠包>> 上檯時熱辣辣，都幾多湯汁，唔錯
<<上海炒麵>> 真係淨係得麵，好難先見到一兩條肉絲，不過炒得唔太油，都OK啦
<<高力豆沙香蕉>> 全晚最期待，雖然唔算一流（多Ｄ豆沙同香蕉大件Ｄ就好喇），但令人好滿足，就算我食到好飽最後都食左２件
Post