Video
Read full review
2017-06-13
579 views
是日母親節，媽媽唔想煮飯，一家人想落街食，其實我地住建生村，呢度位於屯門北面，近住青松觀，自成一角，我地附近近寶田村，附近盈豐及寶怡商場下面勁多野食，大排檔，m記，肯記，銀咖哩，茶餐廳都五，六間，真係乜都有得食，所以住呢頭唔怕搵唔到野食。但係今次我地就黎左建生商場既稻香，其實我地朝早成日都有黎飲早茶，佢地點心真係好普通，聽講都係中央食品工廠做好，再在酒樓加熱，所以味通真係好一般，同美心果Ｄ無得比，但係價錢真係平，好多特價點心，好多時我地都係叫４，５個點心連茶錢都唔洗６０蚊落樓，因為佢地成日有Ｄ特價點心只係５－１０蚊一個，又好多時有Ｄ阿姐，拎住Ｄ唔好賣既點心問我地要唔要，試過１０蚊２大碗皮蛋瘦肉粥問我地要唔要，我地要左但太大碗真係食唔晒，哈哈。。。講番今晚先，我地黎食母親節飯，我地無訂到位，諗住都好多人要等，點知今晚居然只坐到一半場，好多位，所以我地無等位就黎左食。。。今次由我拍板，我坐底個服務員阿姐就不斷叫我地食一席果Ｄ母親節套餐，但我地只係７大２細，好似太多，雖然可以叫半席，但食呢排成日去飲都唔想食果Ｄ一席席了，雖然佢地都唔貴，但千幾蚊，不如散叫好過，見到佢地母親節都仲有特價野，有孖
但係今次我地就黎左建生商場既稻香，其實我地朝早成日都有黎飲早茶，佢地點心真係好普通，聽講都係中央食品工廠做好，再在酒樓加熱，所以味通真係好一般，同美心果Ｄ無得比，但係價錢真係平，好多特價點心，好多時我地都係叫４，５個點心連茶錢都唔洗６０蚊落樓，因為佢地成日有Ｄ特價點心只係５－１０蚊一個，又好多時有Ｄ阿姐，拎住Ｄ唔好賣既點心問我地要唔要，試過１０蚊２大碗皮蛋瘦肉粥問我地要唔要，我地要左但太大碗真係食唔晒，哈哈。。。
講番今晚先，我地黎食母親節飯，我地無訂到位，諗住都好多人要等，點知今晚居然只坐到一半場，好多位，所以我地無等位就黎左食。。。
今次由我拍板，我坐底個服務員阿姐就不斷叫我地食一席果Ｄ母親節套餐，但我地只係７大２細，好似太多，雖然可以叫半席，但食呢排成日去飲都唔想食果Ｄ一席席了，雖然佢地都唔貴，但千幾蚊，不如散叫好過，見到佢地母親節都仲有特價野，有孖寶套餐，好抵食，我地叫左２份孖寶套餐，好多野選，有乳鴨，燒鴨，果個燒鴨真係唔食得都睇得，下面有火熱住，而且真係幾好食，好快就食晒。。。
超值孖寶套餐
38 views
0 likes
0 comments
仲叫左鹽焗雞，又係好好食，酸甜豬扒，老火湯一大煲，好足料，最後因為佢地Ｄ白飯要等，我地就叫左太極鴛鴦炒飯，居然呢個先好食，未試過黎呢度食呢個飯，另外我地有叫自助吧，每位只係加１２蚊就可以在佢個自助吧，任飲汽水和糖水，仲有雀巢雪糕仔任食，因為我地有兩個細路，所以佢地不斷出去自助吧拎野飲和雪糕，兩個細路都幾開心。
最後埋單都唔洗１０００蚊，真係抵食，我地３兄妹夾錢請媽媽食飯，母親節都預左食貴Ｄ，但係唔洗１０００蚊真係估唔到。
呢度都係做街坊生意，附近雖然仲有羊城，但係都係稻香最抵食，雖然味道有時和大酒樓比又無得比，始終呢度係平，一分錢一分貨，又唔可以咁比較，我地就食得好開心了，以後都會成日來幫襯，始終平平地一家人食餐飯，又食得開心。
Post
