明珠閣 (Closed)

今年母親節揀咗明珠閣食飯。一行五人，預早訂咗枱，去到即刻有枱畀我地。我地點咗個四人套餐，加個精選孖寶A。上菜好快，去個廁所返嚟已經有幾碟小菜出咗。可能係節日要翻枱。由於個套餐嘅“原隻鮑魚燴花菇”得四位，我地加單要多一客，價錢為HK$90。“砂窩雲吞雞煲翅”寫住(四位用)，可以舀到五碗，不過雲吞得四粒。呢個义燒皇係我最期待，因上次售罄無得試。不過，义燒太瘦，唔好食，好失望呀！“清蒸游水花尾龍躉斑”不過不失。“蝦子草菇海參煲”，海參唔夠入味。整體來講唔錯，會再次去幫襯。