順景茶餐廳 (Closed)

老店風味睇間舖就知，樓低超高，樓上有大大閣樓～枱櫈、餐牌、牆上嘅砌圖都有經歷，大廈相信已經有50年歷史，餐廳應該都不遑多讓吧～座位算闊落～唔會一般茶餐廳咁，膝頭對膝頭嫁咋～媽媽必叫肉醬意粉，自己試過醬汁多到每一條粉都有，唔似坊間得面個層，下面乾曾曾～佢跟意粉嘅芝士好好味哩個炒飯要讚粒粒乾身分明～配料嘅蝦亦唔係齋啤水啤到爽就算，自己就叫左個麵食用心嘅事就係連火腿都同你煎煎，腸仔重要雕左花紋烏冬係較硬身，當然唔係稻庭烏冬級數，但味道、價錢都非常好食得過～最想再試反而係啲阿叔碟頭飯見到啲扒蛋飯淋上豉油就覺得正～話哂香港人口味嘛