Video
Read full review
2011-11-04
89 views
我朋友係半國泰國人,所以好識邊度有好0既泰國野食,好老實第一次黎果時,心諗:嘩,間店咁UP DUP咁細既???但食過一次之後,我就迷上左,帶埋老公同老友食過幾次,每一次都覺得好好味...尋晚又同我隻為食豬飽親一頓.最最最好食係生蝦刺身,每一次都必定叫黎食,爽口,新鮮,又唔貴,只係五十零蚊一碟,有7隻啦~冰震上碟,勁香蒜頭味,點辣汁正到痺~另外馬拉盞炒椰菜苗,都係令人食指大動既,我同老公都係食肉獸,但不約而同大叫yummy,佢真係炒到又小辣又香,我未試過會自己叫菜黎食,佢係第一個囉^^白灼"司奄",我就因為從未食過司奄呢樣野,覺得幾鮮味,老公就話如果唔點附上既辣汁就咁食就會鮮味好多.體積細小,份量唔多,如果多人要叫兩碟.跟住覺得唔夠飽,整多個炸蝦餅同炭燒魷魚,個蝦餅炸得剛剛好,裡面極多蝦膠,非常好好食,飽肚,炭燒魷魚雖然等左好耐,不過都值既,因為燒得好香口,d魷魚厚切架,又新鮮,又juicy唔會燒到乾晒.兩公婆叫左六5碟野,一支泰象啤,三百有找,食完大呼過癮,我可以敢講,你用咁0既價錢去同區既泰菜館,就算有呢d野食,份量差唔多,都一定唔夠佢好食.泰菜迷一定唔可以錯過!!!另外......
心諗:嘩,間店咁UP DUP咁細既???但食過一次之後,我就迷上左,帶埋老公同老友食過幾次,
每一次都覺得好好味...
尋晚又同我隻為食豬飽親一頓.
最最最好食係生蝦刺身,每一次都必定叫黎食,
爽口,新鮮,又唔貴,只係五十零蚊一碟,有7隻啦~
冰震上碟,勁香蒜頭味,點辣汁正到痺~
另外馬拉盞炒椰菜苗,都係令人食指大動既,我同老公都係食肉獸,
但不約而同大叫yummy,佢真係炒到又小辣又香,
我未試過會自己叫菜黎食,佢係第一個囉^^
白灼"司奄",我就因為從未食過司奄呢樣野,覺得幾鮮味,
老公就話如果唔點附上既辣汁就咁食就會鮮味好多.
體積細小,份量唔多,如果多人要叫兩碟.
跟住覺得唔夠飽,整多個炸蝦餅同炭燒魷魚,個蝦餅炸得剛剛好,
裡面極多蝦膠,非常好好食,飽肚,
炭燒魷魚雖然等左好耐,不過都值既,因為燒得好香口,
d魷魚厚切架,又新鮮,又juicy唔會燒到乾晒.
兩公婆叫左六5碟野,一支泰象啤,三百有找,
食完大呼過癮,我可以敢講,你用咁0既價錢去同區既泰菜館,
就算有呢d野食,份量差唔多,都一定唔夠佢好食.
泰菜迷一定唔可以錯過!!!
另外......我之前同朋友黎食,試過炸皮蛋,都係必叫菜式黎,
d皮蛋可以整到"糖心",外面薄薄香口金黃脆漿,真係令人一試難忘.
**位置係城南道"甜品街"對面,留意佢個門口好細,好易錯過***
Post