海老の髭 (Closed)

專營新潟料理的海老之髭，位於銅鑼灣一棟新大廈，專登去食土鍋飯。 餐廳有3款套餐，＄580、＄680、＄780，又刺身、又壽司、又和牛、又天婦羅，其實我淨係想食飯同埋魚，所以散叫。經理提我，佢哋主要做套餐，所以唔叫套餐的話每人要收＄50前菜同甜品錢。我都唔知佢個「主要」係點嚟，單點項目多到不得了。我估佢哋唔想啲cheap 精去叫一個飯，一份甜蛋就走啩，咁不如set 每人最低消費啦，個前菜同甜品又難食。 叫咗幾款刺身，火灸赤鯥魚刺身、同針魚，針魚好食，赤鯥魚唔係唔好，魚肉結緊、肥美，但切得太厚，火灸又燒唔起啲油份，有啲嘥，早知叫燒魚，海膽好甜。釜炊真鯛土鍋飯（＄180)，鯛魚份量好少，得半邊魚頭，不過煲飯好好食，新潟越光米並唔係浪得虛名，米飯軟糯、綿密又帶嚼勁，要咁作狀先形容到。一煲飯足夠4個人，每人一大碗。餐廳提供一壺清湯、潰物、wasabi，食到咁上下可以變茶漬飯，食淨一半，打包；煲飯係佢哋最大賣點。 此店與大廈皆剛落地，裝修雅緻，似走高檔典雅路線，不過服務只是一般，侍應新手、經理問一句答一句 ，沒有人斟酒，食物上枱後放低就走，咁樣是做唔到高級餐廳的。另外， 不知是否已屆收舖時段，廚房