一鍋瘋 (Closed)

很久沒有吃火鍋了！與朋友去完朗豪坊，找間店吃火鍋，見到門外花牌，知道這間食肆開了不久，一於捧下場贈興。一人一鍋正合我們，感覺衛生，我揀了粟米湯底，有好多海鮮，又有好多肉丸，蔬菜，餃子，最後仲有粥。首先，侍應俾你揀蔥蒜等做醬油，然後送上胡麻醬沙律一個，清爽的蔬菜令人好舒服，胃口大開。一大盤海鮮放在你面前，真係好澎湃，(圖中所見是兩人份量)，口水流了！肉蟹～都有膏，雖然不多，肉夠結實，好新鮮，好鮮甜。鮑魚～煙韌，彈牙。中蝦～唔黐殼，代表夠新鮮，爽甜。大蜆～好生猛，仲噴水，好甜，好鮮味。沙白～細細隻，愈食愈好味。扇貝～好大隻，肉厚特別好味，建議不要淥大耐，會縮水同韌，剛剛熟就好。其他配料又是一大堆，仲可以在餐單揀三樣，我揀咗魚片頭，餃子同肥牛。肥牛～雖然不是和牛，油花不多，肉味都不錯。餃子～自己包的，過得去。豚肉～豬味濃，夠薄，快熟。魚丸，肉丸，墨魚丸～普通無特別。雞髀菇～新鮮，無異味。魚片頭～爽，爽，爽！娃娃菜～索晒湯的精華，好味！蘿蔔～清熱，要食！最後，侍應給我們南瓜粒，芋頭粒，杰米糊，用來加在湯煮成粥，食埋成身暖晒。