蔡潤記 (Closed)

自有記憶以來，蔡潤記是我的童年回憶之一，人愈大愈會掛念從前的味道，成日都會心思思想黎食返碗！以前一入鋪既時候會嗅到陣陣火水爐味，但依家已經嗅唔到，不過裝修、擺設都係10年如一日，一眼望去幫襯熟客多一樣咁多，老店確實有存在的價值。必點推薦系列:1. 淨蛋片 - 魚蛋細細粒好彈牙、魚片好爽口、湯底好鮮味2. 牛根牛腩河 - 牛根牛腩好入味、厚身河粉值得一讚、湯底牛味濃3. 炸魚片(可惜太晏去所以賣完)大家都有心目中的一碗魚蛋粉，蔡潤記的環境、食物、服務方式未必係個個接受到，大埔土生土長的我雖然食過港九新界咁多間，但我始終鐘情於依碗魚蛋粉，享受食物的同時也享受著童年回憶吧！