味軒燒鵝餐廳

Open Now

Now Closed

喜歡食燒味的朋友，通常都會告訴你「呢間啲叉燒最靚」、「嗰間啲燒鵝最香」，講吓講吓，由原本想介紹，隨時變成互相比拼，誓要令對方接受「我嗰間最好食」的口角之爭。每個人心目中都有檔最靚嘅叉燒，對吧？我反而就沒有這個堅持，好吃的話，你我他那間都無所謂，公諸同好嘛。今晚在尖沙咀收工，一落街被對面寫著「馳名古井燒鵝」的招牌所吸引，當然要斬料返屋企。買了一斤叉燒王、燻蹄和生腸，家裡煲了菜湯和飯，今晚豐富了！結果這間我從未幫襯過的味軒不負所托，叉燒王半肥瘦得來不過度肥膩，燻蹄也頗好，只略嫌師傅切片時切得微微稍薄，生腸爽脆鮮味。今晚這個斬料行動完滿成功！吃飽了，甚麼那個燒味檔最好味的話題根本不會再醒起。大滿足！今次無買燒鵝，下次再幫襯，一定要補番個下庄。