Orange Elephant Thai Restaurant (啟德道)

Open Now

Now Closed

每次去九龍城都會見到呢間店，白色既招牌特別sharp，今次特意黎試吓，順便去隔離買啲泰國香料~入面裝修用咗橙色做主調，當然唔少得招牌象啦！感覺舒適~呢度一星期7日都有特價1蚊嘅菜式，而我地星期一嚟剛好係明爐烏頭，$1真係好抵! 睇返menu平時點要$162㗎~ 眼見應該每一檯都有點！ 雖然係$1但烏頭都唔細條，又無泥味~仲加左好多肉碎、香芹、椰菜、蔥，喺魚上面幾乎遮住曬條魚，味道方面因為有酸梅，酸酸地特別開胃。店員仲附上一碗湯，可以自行添加~ 食泰國菜當然離不開咖喱。今次點咗泰皇咖喱大蝦，一客2隻，無諗到咁大碟，咖喱汁完全遮蓋左大蝦~汁內加左洋蔥、青椒，仲有蛋花，味道唔係偏辣果種，但口感幾豐富。如果唔係一開始時點左原個菠蘿焗飯，一定會叫份薄餅/白飯清一吓d咖喱汁~蝦大隻之餘，仲好鮮味彈牙。至於菠蘿焗飯用料都幾足，飯入面加左臘腸、菠蘿，上面鋪上蝦、魷魚、青口、腰果，仲有我最愛既肉鬆吖！甜甜地又香，增加層次口感~老公點左芒果汁特飲，佢話好香好fresh~ 我就點左熱飲既龍眼茶，滋潤順喉！走既時候差不多9點有人等位入座，原來等宵夜7折！