Video
Read full review
2007-07-03
2 views
又一個出隊的晚上, 大家還記得當晚的情形嗎? 想著到此, 又係一句, 變幻原是永恆. 想說的係除了珍惜之外, 還是要好好把握.當晚大家都係匆匆趕去紅磡, 未食飯. 之後當然要好好食餐, 就過來了這裡.九點幾, 無乜人了. 始終而個場係完完全全的今非昔比. 現在連凝聚力都無了, 下一步會係點? 五個人, 坐在別有洞天的大圓臺, 鬆鬆動動.這裡係兩邊通, 我們只要叫正斗金廚這邊的小菜, 一碟都得, 就可一併叫隔離正斗粥麵的粥粉麵, 一次試足兩邊的食物.下火皮蛋瘦肉粥$28: 9分, 粥底係好綿, 米香足夠, 幾多皮蛋, 食完又好似係幾下火.炸兩$26: 9分, 真係做到皮薄餡靚. 腸粉皮係好薄, 油炸鬼好脆, 新鮮熱辣, 相當得.正斗鮮蝦雲吞麵$28: 9分, 年前的得獎作品. 要了小的, 就算五個人分都係要回最正路的細蓉, 又唔係要填肚, 唔要大的了. 依然係幾高水準的雲吞麵. 麵無鹼水味, 比永華的易入口. 雲吞細細粒, 一口一啖. 蝦子湯底也不錯.甜蜜蜜鰻魚件$58: 9分, 鰻魚件好鮮甜, 個蜜味汁好入味, 唔腥. 炸過的鰻魚件帶點脆身, 鰻魚肉又算嫩滑. 係份量比較細.桑拿農家雞
當晚大家都係匆匆趕去紅磡, 未食飯. 之後當然要好好食餐, 就過來了這裡.
九點幾, 無乜人了. 始終而個場係完完全全的今非昔比. 現在連凝聚力都無了, 下一步會係點? 五個人, 坐在別有洞天的大圓臺, 鬆鬆動動.
這裡係兩邊通, 我們只要叫正斗金廚這邊的小菜, 一碟都得, 就可一併叫隔離正斗粥麵的粥粉麵, 一次試足兩邊的食物.
下火皮蛋瘦肉粥$28: 9分, 粥底係好綿, 米香足夠, 幾多皮蛋, 食完又好似係幾下火.
炸兩$26: 9分, 真係做到皮薄餡靚. 腸粉皮係好薄, 油炸鬼好脆, 新鮮熱辣, 相當得.
正斗鮮蝦雲吞麵$28: 9分, 年前的得獎作品. 要了小的, 就算五個人分都係要回最正路的細蓉, 又唔係要填肚, 唔要大的了. 依然係幾高水準的雲吞麵. 麵無鹼水味, 比永華的易入口. 雲吞細細粒, 一口一啖. 蝦子湯底也不錯.
甜蜜蜜鰻魚件$58: 9分, 鰻魚件好鮮甜, 個蜜味汁好入味, 唔腥. 炸過的鰻魚件帶點脆身, 鰻魚肉又算嫩滑. 係份量比較細.
桑拿農家雞(中式) $88: 8分, 有中式同泰式揀, 要了中式的, 不知兩者的分別了. 上臺係熱辣辣, 雞件係煲入面, 幾有鮮味, 雞肉嫩滑. 醬汁比較濃烈.
干炒牛河$58: 9分, 跟東寶的豉油王炒麵相次, 都係炒到碟底無乜油. 炒得好夠鑊氣, 好香口, 河粉爽口, 牛肉不老. 簡單的菜色, 但做得好出色.
整體味道係相當好, 服務就一般, 少人客都唔係跟得太足. 價錢係比其他粥麵店貴, 但坐得比較舒服.
其實這裡係幾值得試的.
Post
