曲奇四重奏 (加拿分道) (Closed)

原本等緊隔離檔雞蛋仔，但放工時間又肚餓想食塊餅，於是去咗「曲奇四重奏」買餅食。蝴蝶酥（原味）呢道既蝴蝶酥雖然我覺得係唔錯，但唔係我食過最好嘅。早排去上海，食過一間位於酒店內嘅餅房所出品嘅蝴蝶酥，我認為係最好食。而呢道嘅蝴蝶酥就比起位於西環廣為港大生熟悉嘅細鋪餅房較為好食。呢道嘅蝴蝶酥脆得嚟又會太硬身同乾身，真係「酥」同「脆」。由於今日比較肚餓，所以連食幾舊，但發現唔會食到滯，亦都無明顯油膩感。頭先仲試咗朱古力栗米片，感覺唔錯，下次嚟買返包食先。